Deel 4 - Nuweopenbaring::: Welkom by Die Nuwe Openbaring

dra, want Ek kan nie van die wet van die ewige ordening afsien nie, al
behoort julle ook aan My Liefde, Wie julle nooit sal opgee nie. Maar Ek kan
die geregtigheid nie omseil nie, wat ook by My volmaaktheid hoort.
Steeds weer roep Ek tot julle: Besin julle, Dit is die laaste kort stadium wat
julle aflê. Gaan nie ‘n verkeerde weg wat julle onherroeplik na die afgrond
sal voer nie, sluit julle veeleer by My aan en lê aan My Hand julle weg oor
die aarde af. Dink goed daaroor na wat die aanleiding en die doel van julle
bestaan op aarde sou kan wees en waarlik, Ek sal julle opheldering daaroor
gee, omdat Ek wil dat julle die weg na die vaderhuis inslaan, omdat Ek baie
verlang na julle terugkeer na My en julle die vreeslike lot van ‘n hernieude
kluistering kan bespaar. Stel dit duidelik vir julleself voor oë dat julle
julleself in groot geestelike nood bevind en sal poog om dit te ontgaan,
want dit lê maar net by julle wil, om die doel te vervul ten behoewe
waarvan julle julleself as mens beliggaam het.
Julle sal julleself net moet bevry van wêreldse verlange, julle sal julle lewe
op aarde nie as doel op sigself kan beskou nie, dit inteendeel steeds as
middel tot die doel moet insien. En dit sal vir julle ook moontlik wees om
julle lewenswandel doeltreffend te lei, as julle maar julle beste sal doen om
‘n lewe in liefde te lei. Dan sal julle die gevaar van ‘n mislukking aan die
einde ontkom; dan sal julle steeds duideliker insien waarom julle op die
aarde is en julle sal julle steeds inspan om die Wil van julle God en Skepper
te vervul, julle sal die verhouding van ‘n kind tot die Vader ingaan en dan
sal die Vader julle vasgryp en julle na Hom toe trek en julle nooit meer in
die diepte laat wegsink nie. Luister na My aansporings en waarskuwings,
verander julle lewenswandel, streef daarna om die ewige lang gang oor die
aarde te beëindig, om na die dood van julle liggaam in te gaan in die ryk
van lig en geluksaligheid. En wanneer julle hierdie wil het, sal julle ook
waarlik die krag daarvoor ontvang, want Ek sal julle tot aan die einde help
sodat julle tot lewe sal kom en nie weer gedoem word om te sterwe nie.
Amen
Ek-bewussyn - krag - Denkvermoë - Wil
8637 6 Oktober 1963
Julle mense sou nie kan bestaan as My Krag julle nie deurstroom nie, of
anders gesê, julle sou nie meer lewe as die siel uit julle onttrek sou word,
wat die eens deur My uitgestraalde krag is en die eintlike lewe in julle is.
Dus is julle deur Goddelike krag tot lewe gewek wat van My as die Oerbron
van krag, uitgestroom het.
Vir julle, wat nie glo aan ‘n God en Skepper nie, is julle liggaamlike lewe
maar ‘n natuurlike proses, waarvoor julle vir julleself ook geen verklaring
kan vind nie, maar wat ook julle gedagtes nie soseer besig hou nie, dat
julle veelmeer ongeërg is om julle in soverre tot nadenke te kan bring,
deurdat ook julle eenmaal julle aardse lewe sal verloor, dat julle verganklik
is as julle nie aan ‘n ewigelewe glo nie.
273