Deel 4 - Nuweopenbaring::: Welkom by Die Nuwe Openbaring

as wat Ek as goed en suksesvol vir julle eie siel asook vir die siele van julle
medemens beskou. En Ek sal aanhou om julle gedagtes te lei sodat dit
volgens My Wil sal wees en sodat julle altyd My Wil sal vervul. Wat julle ook
al wil doen, dit sal volgens My Wil wees, omdat deur julleself aan My oor te
gee, het julle My as julle toevlug gekies en sal altyd My beskerming hê.
As julle wêreldse moeilikhede ondervind en dink dat julle nie meer vir My
en My Koningkryk kan werk nie, plaas dan julle vertroue in My, omdat niks
vir My onmoontlik is nie. Daar is niks wat julle nie van My kan vra nie, My
mag is onbeperk en My liefde is grensloos.
My wysheid ken al die voor- en nadele en sal met alles wegdoen sodat dit
vir julle tot voordeel is. Julle besef nie hoeveel Ek julle mense nodig het om
vir My en My Koningkryk te werk nie; julle weet nie hoe uiters waardevol
julle werk is nie, aangesien dit die verlossing van sondige siele betref! Ek
sal geen dienaar van My van die aarde wegneem alvorens hy sy taak
voltooi het nie, wat deur My gestel is volgens sy besluit, om op aarde vir
My en My Koningkryk te werk.
En wanneer julle sendingswerk op aarde vervul is, kan julle die res aan My
oorlaat. Ek sal alle leemtes vul omdat Ek weet wie se liefde vir My en sy
medemens sterk genoeg is om hom toe te laat om julle plek te neem. In
alles wat met julle gebeur, sal julle My hand en My begeleiding erken en dit
sal julle baie gelukkig maak. Nogtans werk Ek nie dikwels op ‘n ongewone
manier nie omdat Ek nie wil inmeng in julle vryheid van wil nie.
Ten opsigte hiervan is julle onvoorwaardelike onderwerping aan My die
belangrikste en die enigste ding wat Ek van julle vereis, hoewel Ek op ‘n
ongewone manier kan werk, binne grense van die natuurlike, mag julle nie
gedwing word nie.
Waar dit noodsaaklik is, bring Ek Myne bymekaar om mekaar te help en
saam te werk vir My en My Koningkryk. Ek verwag slegs dat julle vertroue
in My begeleiding sal hê dan sal julle dit nadruklik ervaar. Hou in gedagte
dat julle nog as mense onder mense leef en dat Ek nie openlik kan getuig
hoe ingenome Ek met julle geestelike begeerte is nie, aangesien Ek dan
julle medemense sal dwing om in wonderwerke te glo. Ten opsigte hiervan
gebeur die dinge stil met julle volgens My wil en julle het geen sorg oor dit
nodig nie, behalwe dat julle My elke oggend vir krag en seën vir die dag
moet vra.
En julle sal beslis oorvloedig ontvang, want Ek is ‘n goeie gesinshoof wat
baie liefdevol vir al sy dienaars sorg en hulle gee wat hulle vir liggaam en
siel nodig het. Maar Ek is ook ‘n vader wat poog om sy kind nader aan
Hom te trek en Ek bly My Vaderlike Liefde aan julle bewys, wat maak dat
julle liefde opvlam sodat julle meer en meer My nabyheid en die
beskerming van My Vaderlike arms soek. Laat dinge julle benader en moet
julle nie bekommer nie want Ek sorg vir julle en Ek weet wat julle nodig het
om My ooreenkomstig My wil te dien. Amen
217