Deel 4 - Nuweopenbaring::: Welkom by Die Nuwe Openbaring

so'n onderrigting aan te neem. Die mens moet egter nie deur wat se bewys
ook al, gedwing word om sy wil te wysig nie en daarom moet daar ‘n sluier
oor die diepste geheime van die skepping gesprei bly. Tog kom eens die
oomblik waarin ‘n verlossingsperiode afloop en die mense word ook altyd
weer deur sieners en profete gewys op so'n einde. Hulle word steeds deur
My bodes, wat Ek vir My op aarde opwek om deur hulle oor dinge te spreek
wat die menslike verstand alleen nie kan deurvors nie, daarop attent
gemaak.
Van die begin van hierdie periode af is daarop gewys dat dit ook eens
beëindig sal word, maar sulke aanwysings vind nouliks geloof en die mense
laat hulle nie daardeur oorreed om hul lewenswandel te verander om te
strook met My Wil nie. Sulke profesieë was vir hulle steeds ongeloofwaardig
en om sulke leerstellings aan te neem kan hulle nie gedwing word nie. Maar
al verloop daar nog lang tye, eenmaal word al hierdie verwysings na die
einde van die ontwikkelingstydvak tog vervul en dan moet die mense daar
rekening mee hou dat daar weer ‘n nuwe tydperk begin, dat die oue
vergaan en daar iets nuuts ontstaan, ook as hulle nie by magte is om
hulself so'n vergaan en nuwe ontstaan voor te stel nie.
Heel weinig mense dink egter daaroor na, dog hierdie weiniges sal ook
verder in My heilsplan deurdring, hulle sal daaroor van My kant opheldering
ontvang en daarom ook van die beëindiging van ‘n periode op aarde oortuig
wees, omdat hulle deur hulle wil, wat na My toe gekeer is ook in die
samehang van dit alles deurdring.
Daar is julle, mense ‘n bepaal tyd toegeken om julle te verander, om terug
te keer na My. Hierdie terugweg was eindelose lank en in die hoedanigheid
van ander skeppingswerke ervaar julle die ou aarde reeds voor julle
bestaan as mens, tog eers in die laaste stadium as mens word julle julleself
bewus van julle lewe. Eers as mens is julle ek-bewuste wesens, terwyl julle
voorheen die ek-bewussyn mis en daarom niks weet van die tyd voor julle
menswees nie.
Die tyd wat julle verleen is sou egter heeltemal voldoende wees om julle
weer te laat word tot die wese soos julle eens van My uitgegaan het. Het
julle evenwel julle doel nie bereik nie, dan is dit alleen julle eie fout en
daarom moet julle ook die gevolge dra. Want met ‘n onvermoeibare geduld
en in oorgrote Liefde het Ek julle gehelp om stap vir stap omhoog te kom
en slegs ‘n heel kort tydjie laat Ek julle, julle gang gaan, sodat julle vanuit
hierdie vryheid self die weg na My neem, dat julle uit eie beweging - uit
liefde - na My toe kom, om dan as My kinders altyd en ewig by My te bly.
Maar hierdie vryheid moes Ek julle gee, want dit was die hoofvoorwaarde
om van skepsele tot kinders te word. En julle kon ook hierdie laaste
wilsproef maklik deurstaan, omdat julle genade op genade ontvang, omdat
Ek julle met My Liefde agtervolg en alles aanwend om julle daartoe te bring
om definitief na My terug te keer.
364