Deel 4 - Nuweopenbaring::: Welkom by Die Nuwe Openbaring

Ek spoor julle ook steeds weer aan om vrae te stel, omdat julle aan die
antwoord ook My liefde tot julle besef, Wie elke versoek van julle wil
vervul. Want sodra julle vra en ‘n antwoord verwag, open julle, julle harte
vir My en dit beteken ook dat julle My by julle laat binnekom, dat julle met
My verbonde wil wees. En slegs daarop wag Ek, om My barmhartigheids-
gawes onbeperk te kan uitdeel.
En so sal Ek julle ook steeds oor dwaling opheldering gee, want dit stort die
siele in die verderf. Ek sal julle denke Self verlig, sodat julle na My wil sal
handel en teen die dwaling sal stry. Want die dwaling rig in die eindtyd
groot verwarring aan, omdat die mense veel eerder die dwaling vir die
waarheid aanneem, as om hulself te laat oortuig deur die suiwer waarheid.
En daardeur bly hulle binne die bereik van My teenstander in die duisternis
en vind nie meer die weg terug nie. Aan julle wat My Woord ontvang, is die
opdrag gestel om teen die dwaling te stry en steeds weer die waarheid
daarteenoor te stel, wat vir elke mens met ‘n goeie wil ook aanneembaar
sal wees. En steeds sal Ek julle ook bystaan sodat julle korrek sal dink en
handel en dat julle sal praat indien Ek dit van julle verlang, want julle het
julleself vrywillig aangebied om My te dien en Ek het julle diens
aangeneem. Julle sal nou ook in My wil werksaam wees en Ek kan daarom
ook ‘n opdrag aan julle toevertrou wat steeds maar weer die verspreiding
van die waarheid is en wat die stryd teen die dwaling raak. En daarom sal
alles ook so op julle afkom, dat julle volgens julle gevoel daarop sal
reageer, omdat Ek Self die gevoel in julle opwek, dus julle gedagtes ook so
sal lei, soos wat dit vir julle opdrag dienstig is.
My teenstander werk met lis en bedrog. Ek sal egter teen hom ingaan en sy
dryfveer aan die lig bring. Maar dit lê aan die mense self of hulle na My sal
luister en My woorde glo. Maar slegs liefde kan die suiwer waarheid herken
waar die liefde ontbreek, is weinig resultaat te verwag. Tog moet die
waarheid aan die mense onthul word, oor My teenstander, wat homself ook
as ‘n ligengel kamoefleer en nie daarvoor terugdeins om homself van My
Naam te bedien nie, om hulle te mislei en op ‘n weg te trek wat gevaarlik
is, omdat hy na die afgrond voer, as die mense nie betyds hulle manier van
doen insien en die korrekte weg kies nie. En Ek wil julle daarmee help, as
julle julleself maar tot My sal wend en My om die suiwer waarheid bid.
Amen
Die Heer sorg vir Sy dienaars
8540 25 Junie 1963
Ek is altyd bereid om julle van wêreldse sorge te verlos as julle as My
dienaars in My wingert wil werk. Sonder My kan julle niks doen nie! So
moet My seën met julle werk wees as dit suksesvol moet wees. En
aangesien julle slegs na geestelike sukses streef, aangesien julle bereid is
om My in julle liefde vir My en julle medemense te dien, kan julle van My
seën en My steun verseker wees. Julle sal altyd gelei word op so’n manier
216