Deel 4 - Nuweopenbaring::: Welkom by Die Nuwe Openbaring

My te kom. Julle moet egter ook sorg dra vir mekaar, julle moet verhoed
dat die ander skade ly, julle moet hom help in moeilikhede van allerlei
aard, julle moet hom bystaan en gewoon ‘n goeie verstandhouding van
broer tot broer tot stand bring en dan gesamentlik strewe na julle Vader
van ewigheid.
Dan eers het julle die liefde vir mekaar wat Ek van julle verlang, omdat
julle dieselfde is in julle oersubstansie, omdat julle uit die Goddelike
Liefdeskrag voortgekom het. En sodra eenmaal die verhouding onder julle
anders geword het, sodra by al julle denke en handel die liefde beslissend
is, sal julle ook toeneem in volmaaktheid. Julle sal weer word wat julle eens
gewees het; met liefde deurstraalde skepsele wat steeds alleen werk vir
mekaar se geluksaligheid. Want waar liefde is moet ook ‘n ontvangs stasie
vir hierdie uitgestraalde liefde wees, ongeag of Ek self as Oerbron, of julle,
as senders van My liefdeskrag die liefde verder straal.
Steeds moet daar ‘n vat wees waarin julle, julle liefde kan stort en so sal op
aarde julle medemens die vat wees, julle naaste, aan wie julle die liefde
gee wat julle van My ontvang. Want julle kan niks gee wat julle nie reeds
van My ontvang het nie. Die liefdevonk in julle voed Ek deurdat in julle My
Liefde steeds meer tot die doen van liefdewerke aansit en die
werksaamheid sal weer geskied ten gunste van julle naaste, want julle
word aangespoor om onafgebroke aktief te wees in die liefde, sodra My
Liefde eens in julle kan binnestraal.
En julle liefdadigheid teenoor julle naaste bewys My, dat julle My Liefde in
julle laat binnestraal, dat julle, julle hartee open en My en My Liefde
toegang verleen. Dit bewys My dat julle My weer in liefde toegedaan is,
anders hou julle julle hartee vir My gesluit en sou Ek nie kan werk in julle
nie. En altyd sal julle alleen dan tot voltooiing kom as julle, julle eie lewe
nie vir julleself lei nie maar steeds aan julle medemens dink, as julle hom
sy liggaamlike en geestelik lot ter harte neem, as julle probeer om hom op
die weg na My te bring en julle hom ook bystaan in aardse nood, as hy na
julle toe kom en julle om hulp vra.
Julle leef tesame met die doel om wedersyds volwasse te word en steeds
sal julle geleentheid gegee word waar julle in dienende liefde werksaam
kan wees. Julle moet slegs van goeie wil wees en julle laat lei steeds met
toewyding aan My, julle God en Skepper, Wie deur julle as Vader erken
word en aan Wie julle die liefde van ‘n kind gee. Dan sal julle mekaar liefhê
soos broers en susters en goed wees vir mekaar. Dan word julle siele
volwasse op aarde en julle sal julle doel bereik. Julle sal julleself deur die
liefde verenig met My die ewige Liefde en nou vir ewig salig wees. Amen
244