Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 117
c. Akses të pakufizuar në çdo vend ku mbahen persona të privuar
nga liria e tyre, duke përfshirë të drejtën për të lëvizur brenda këtyre
vendeve pa kufizim;
d. Informacione të tjera që Pala disponon e që mund të jenë
të nevojshme që Komiteti të kryejë detyrën e tij.Kur kërkon këtë
informacion Komiteti mban parasysh rregullat në fuqi të të drejtës së
brendshme dhe etikës profesionale.
3. Komiteti mund të intervistojë në mënyrë private personat e
privuar nga liria.
4. Komiteti mund të komunikojë lirshëm me çdo person që ai beson
se mund të japë informacion të vlefshëm.
5. Nëse është e nevojshme, Komiteti mund t’ua komunikojë
menjëherë vërejtjet e tij autoritetevekompetente të Palës së përfshirë.
Neni 9
1. Në rrethana të veçanta, autoritetet kompetente të Palës së
përfshirë mund t’i paraqesin Komitetit kundërshtimin për një vizitë në
një kohë ose vend të caktuar të propozuar nga Komiteti. Ky kundërshtim
mund të bëhet vetëm për arësye të mbrojtjes kombëtare, sigurisë publike,
trazirave të rënda në vendin ku mbahen personat e privuar nga liria,
gjendjes mjekësore të një personi ose kur është në proçes një hetuesi
urgjente lidhur me një krim të rëndë.
2. Pas këtyre kundërshtimeve, Komiteti dhe Pala hyjnë menjëherë
në konsultime me qëllim që të sqarohet situata dhe të arrihen marrëveshje
e të merren masa për t’i mundësuar Komitetit ushtrimin e funksioneve të
tij me shpejtësi. Këto masa mund të përfshijnë transferimin në një vend
tjetër të çdo personi që Komiteti propozoi për vizitë. Deri në kryerjen e
vizitës, Pala i jep informacion Komitetit rreth personit në fjalë.
Neni 10
1. Pas çdo vizite, Komiteti përpilon një raport mbi faktet e
zbuluara gjatë vizitës, duke marrë parasysh çdo vërejtje që mund të
jetë bërë nga Pala e përfshirë. Ai i transmeton kësaj të fundit raportin e
tij ku përfshihen edhe rekomandimet që ai i konsideron të nevojshme.
Komiteti mund të konsultohet me Palën me synimin për të sugjeruar,
nëse është e nevojshme, përmirësime në mbrojtjen e personave të
privuar nga liria e tyre.
2. Nëse pala nuk bashkëpunon ose refuzon të përmirësojë situatën
nën dritën e rekomandimeve tëKomitetit, Komiteti mund të vendosë