Shendeti Mendor dhe te Drejtat e Njeriut - Arct

66
SHËNDETI MENDOR DHE TË DREJTAT E NJERIUT
personale por akoma i padënuar për një shkelje;
c) “Person i burgosur” nënkupton çdo person të privuar nga liria
personale si rezultat i dënimit për një shkelje;
d) “Ndalim” nënkupton gjendjen e pesonave të ndaluar siç u
përshkrua më lart;
e) “Burgim” nënkupton gjendjen e personave të burgosur siç u
përcaktua më lart;
f) Fjalët “një autoritet gjyqësor ose tjetër” nënkuptojnë autoritet
gjyqësor ose tjetër sipas ligjit, statusi dhe mandati i të cilëve duhet
të sigurojë garancitë më të mëdha të mundëshme të kompetencës,
asnjanësisë dhe pavarësisë.
Parimi 1
Të gjithë personat nën çdo formë ndalimi ose burgimi trajtohen në
mënyrë njerëzore dhe me respekt për dinjitetin e qenësishëm të qenies
njerëzore.
Parimi 2
Arrestimi, ndalimi ose burgimi bëhen vetëm në përputhje të rreptë
me dispozitat e ligjit dhe nga nëpunës ose persona kompetentë të
autorizuar për këtë qëllim.
Parimi 3
Nuk ka asnjë kufizim ose shmangie nga asnjëra prej të drejtave të
njeriut të personave nën çdo formë ndalimi ose burgimi, të njohura ose
egzistuese në një Shtet, në zbatim të ligjit,
konventave, rregulloreve ose zakoneve, me preteksin se kjo Paketë
e Parimeve nuk i njeh këto të drejta ose se ajo i njeh ato në një masë më
të vogël.
Parimi 4
Çdo formë ndalimi ose burgimi dhe të gjitha masat që prekin të
drejtat e njeriut të personave nën çdo formë ndalimi ose burgimi
urdhërohet nga ose nënshtrohet kontrollit të efektshëm të një autoriteti
gjyqësor ose tjetër.
Parimi 5
1 Këto parime zbatohen për të gjithë personat brenda territorit të
çdo Shteti të dhënë, pa asnjë dallim të çfarëdo lloji, si rraca, ngjyra, seksi,
gjuha, feja ose besimi fetar, bindjet politike ose te tjera, origjina etnike
ose sociale, prona, statusi i lindjes ose tjetër.