Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 199
Askush nuk mund të deklarohet fajtor mbi bazën e të dhënave të
mbledhura në mënyrë të paligjshme.
Në bazë të nenit 312 të Kodit Penal “Propozimi ose dhënia e
shpërblimeve, dhuratave apo përfitimeve të tjera, ose kanosja apo vepra
të tjera dhune që i bëhen personit për të siguruar dëshmi, ekspertim apo
përkthim të rremë, ose për të refuzuar kryerjen e detyrave të tyre përpara
organeve të ndjekjes penale dhe gjykatës, dënohet me gjobë ose me burgim
gjer në tre vjet.
Në vijim, neni 314 i Kodit parashikon se, “Përdorimi i dhunës nga
personi i ngarkuar me zhvillimin e hetimeve për ta detyruar shtetasin
të bëjë deklaratë, të dëshmojë ose të pohojë fajësinë e tij a të një tjetri,
dënohet me burgim nga tre gjer në dhjetë vjet”.
Neni 3/2 i Kodit të Procedurës Penale, parashikon se: “Gjykata
jep vendim në bazë të provave që shqyrtohen e verifikohen në seance
gjyqësore”.
Sipas nenit 151/3-4 të Kodit, “Kur kërkohet një provë që nuk
rregullohet me ligj, gjykata mund ta marrë në qoftë se ajo vlen për të
vërtetuar faktet dhe nuk cenon lirinë e vullnetit të personit. Gjykata
vendos për marrjen e provës pasi dëgjon palët mbi mënyrën e marrjes
së saj. Provat e marra në shkelje të ndalimeve të parashikuara nga ligji
nuk mund të përdoren. Papërdorshmëria ngrihet edhe kryesisht në çdo
gjendje dhe shkallë të procedimit”.
Neni 316/b, “Gjatë hetimeve paraprake, prokurori dhe i pandehuri
mund të kërkojnë nga gjykata që të procedohet me sigurimin e provës
në rastin e marrjes së dëshmisë, kur ka arsye të bazuara për të menduar
se personi mund të jetë objekt dhune, kanosje ose premtimi për t’i dhënë
para ose përfitime të tjera me qëllim që të mos bëjë dëshmi ose të bëjë
dëshmi të gënjeshtërt”.
Neni 357, “Gjykata, pasi dëgjon palët, jep vendim për marrjen e
provave. Gjatë shqyrtimit gjyqësor palët mund të bëjnë pretendime
lidhur me marrjen e provave. Gjykata mund të revokojë me vendim
marrjen e provave që dalin të panevojshme ose të pranojë marrjen e
provave që kanë qenë refuzuar.
Neni 450/ç, në lidhje me rishikimin e vendimit parashikon se mund
të kërkohet rishikimi i një vendimit të formës së prerë kur vërtetohet se
vendimi është dhënë si pasojë e falsifikimit të akteve të gjykimit ose të një
fakti tjetër të parashikuar nga ligji si vepër penale.
Në vijim të punës intensive që po zhvillohet, si arsye kryesore