Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 29
ligjor garnaton në mënyrë të efektshme përfundimin e menjëhershëm të
të gjithë veprimeve të ndaluara me nenin 7, si edhe korrigjimet e duhura.
E drejta për të paraqitur ankesë ndaj keqtrajtimit të ndaluar sipas nenit 7
duhet të njihet nga legjislacioni i brendshëm. Ankesat duhet të hetohen
më përpikmëri dhe në mënyrë të paanshme nga autoritetet kompetente
me qëllim që zgjidhja të jetë e efektshme. Raportet e Shtetve palë duhet
të japin informacion të veçantë mbi zgjidhjet e mundshme për viktimat
e keqtrajtimit dhe procedurën që ndjekin ankesat, si edhe statistika për
numrin e ankesave dhe mënyrën si janë trajtuar ato.
15. Komiteti ka vërejtur se disa Shtete kanë bërë amnisti në lidhje
me aktet e torturës. Amnistitë janë përgjithësisht të papajtueshme me
detyrimin e shteteve për të hetuar veprime të tilla; për të garantuar lirinë
për veprime të tilla brenda juridiksionit të tyre; dhe për të siguruar se
ato nuk do të ndodhin në të ardhmen. Shtetet nuk mund t’i privojnë
individët nga e drejta për një zgjidhje të efektshme; duke përfshirë
kompensimin dhe rehabilitimin sa më të plotë të mundshëm.
Komenti 21 i Komitetit për Të Drejtat e Njeriut të Kombeve të
Bashkuara lidhur me Nenin 10 të PNDCP Miratuar nga Komiteti
gjatë sesionit të 44, 1992
1. Ky koment i përgjithshëm zëvendëson komentin e përgjithshëm 9
(sesioni 16, 1982) duke reflektuar për të dhe duke e zhvilluar atë më tej.
2. Neni 10, paragrafi 1, i Paktit Ndërkombëtar për Të Drejtat Civile
dhe Politike zbatohet për këdo që është privuar nga liria sipas ligjeve
dhe autoritetit të Shtetit dhe që mbahet në burgje, spitale – veçanërisht
spitale psikiatrike – kampe përqëndrimi ose institutcione korigjuese, apo
në vende të tjera. Shtetet palë duhet të sigurojnë qe parimi i përcaktur
atje, zbatohet në të gjithë institucionet brenda juridiksionit të tyre në të
cilat mbahen personat.
3. Neni 10, paragrafi 1, u imponon Shteteve palë një detyrim pozitiv
ndaj personave që janë veçanërisht të prekshëm për shkak të statusit
të tyre si persona të privuar nga liria, dhe plotëson për to ndalimin e
torturës ose trajtimit a ndëshkimit të egër, çnjerëzor ose degradues që
përfshihen në nenin 7 të Paktit. Kështu, personat e privuar nga liria e
tyre jo vetëm nuk do t’i nënshtrohen trajtimit që bie në kundërshtim
me nenin 7, duke përfshirë eksperimentimin mjekësor apo shkencor,
por nuk do t’i nënshtrohen asnjë vështirësie apo kufizimi përveç asaj që
rezulton nga privimi i lirisë së tyre; respekti për dinjitetin e personave të