Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 53
qëllimet dhe parimet e Kartës së Kombeve të Bashkuara,dhe që përbëjnë
një kërcënim serioz për paqen dhe sigurinë ndërkombëtare.
2 Shtetet Palë në këtë Konventë i deklarojnë kriminale ato organizata,
institucione dhe individë që kryejnë krimin e aparteidit.
Neni II
Për qëllimet e kësaj Konvente, termi “krimi i aparteidit”, i cili përfshin
politika dhe praktika të ngjashme të veçimit dhe diskriminimit rracor
si ato të praktikuara në Afrikën e Jugut, zbatohet edhe për veprimet
e mëposhtëme çnjerëzore të kryera me qëllimin për të vendosur dhe
ruajtur dominimin e një grupi rracor personash mbi çdo grup tjetër
rracor personash dhe shtypjen sistematike të tyre:
[...]
ii. Shkaktimi i dëmtimeve të rënda trupore dhe mendore mbi
anëtarët e një grupi ose grupeve rracorë, duke shkelur lirinë ose
dinjitetin e tyre, ose duke i nënshtruar ato ndaj torturave ose trajtimit të
egër, çnjerëzor ose degradues;
Neni III
Përgjejgësia penale ndërkombatëre zbatohet, pavarësisht nga motivi
përkatës, për individët, anëtarët e organizatave dhe institucioneve dhe
përfaqësuesit e Shtetit, nëse banojnë në territorin e Shtetit në të cilin janë
kryer veprimet ose në ndonjë Shtet tjetër, sa herë që ato:
a) Kryejnë, marrin pjesë, nxisin ose komplotojnë drejtpërdrejt në
kryerjen e veprimeve të përmendura në nenin II të kësaj Konvente; b)
Mbështesin, nxisin ose bashkëpunojnë drejtpërdrejt në kryerjen e krimit
të aparteidit.
Neni IV
Shtetet Palë në këtë Konventë angazhohen:
a) Të miratojnë çdo masë ligjore ose tjetër të nevojshme për të
shtypur edhe për të parandaluar çdo nxitje të krimit të aparteidit dhe
politikave të ngjashme veçuese apo shfaqje të tyre, dhe të ndëshkojnë
personat fajtorë për atë krim;
b) Të miratojnë masa ligjore, gjyqësore dhe administrative për të
ndjekur penalisht, gjykuar dhe ndëshkuar në përputhje me juridiksionin
e tyre personat përgjegjës, ose të akuzuar për krimet e përcaktuara