Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 119
Neni 16
Komiteti, anëtarët dhe ekspertët e tij të përmendur në Nenin 7,
paragrafi 2, gëzojnë privilegjet e imunitetet e përcaktuara në Aneksin e
kësaj Konvente.
Neni 17
Kjo Konventë nuk paragjykon dispozitat e të drejtës së brendshme
ose ndonjë marrëveshjeje ndërkombëtare të cilat parashikojnë mbrojtje
më të madhe për personat e privuar nga liria e tyre.Asgjë në këtë
Konventë nuk konsiderohet si kufizim ose shmangie nga kompetencat
e organeve të Konventës Europiane të të Drejtave të Njeriut ose nga
detyrimet e marra nga Palët sipas asaj Konvente.Komiteti nuk viziton
vende të cilat vizitohen efektivisht nga përfaqësuesit ose delegatët
e Fuqive Mbrojtëse ose Komiteti Ndërkombëtar i Kryqit të Kuq në
mënyrë periodike sipas Konventave të Gjenevës të 12 Gushtit 1949 dhe
Protokolleve Shtesë të saj të 8 Qershorit 1977.
Kapitulli V
Neni 18
Kjo Konventë është e hapur për nënshkrim nga Shtetet anëtarë të
Këshillit të Europës. Ajo i nënshtrohet ratifikimit, aderimit ose miratimit.
Instrumentet e ratifikimit, aderimit ose miratimit depozitohen pranë
Sekretarit të Përgjithshëm të Këshillit të Europës.
Neni 19
1. Kjo Konventë hyn në fuqi ditën e parë të muajit që pason
përfundimin e një periudhe tremujore pas datës në të cilën shtatë Shtete
anëtarë të Këshillit të Europës kanë shprehur pëlqimin e tyre për t’u lidhur
nga kjo Konventë në përputhje me dispoziatat e Nenit 18.
2. Për çdo Shtet anëtar që më pas shpreh pëlqimin e tij për t’u lidhur
nga kjo Konventë, Konventa hyn në fuqi në ditën e parë pas përfundimit
të një periudhe tremujore pas datës së depozitimit të instrumentit të
ratifikimit, aderimit ose miratimit.
Neni 20
1. Çdo Shtet, në momentin e nënshkrimit ose kur depoziton
instrumentin e tij të ratifikimit, aderimit ose miratimit, mund të
specifikojë territorin ose territoret në të cilat zbatohet kjo Konventë.
2. Çdo Shtet, në çdo datë të mëvonshme, përmes një deklarate