Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 43
një komunikate me shkrim, në vëmendjen e atij Shteti Palë. Brenda tre
muajve nga marrja e komunikatës, Shteti marrës duhet t’i japë Shtetit
që dërgoi komunikatën një shpjegim ose deklarim tjetër me shkrim ku
të sqarojë çështjen, dhe të përfshijë, me aq sa është e mundur dhe me
vend, përshkrimin e procedurave të brendshme dhe të masave të marra,
të lëna pezull ose që janë të mundshme për atë çështje;
b) Nëse çështja nuk zgjidhet duke kënaqur të dy Shtetet Palë në
fjalë brenda gjashtë muajve nga marrja e komunikatës së parë nga Shteti
marrës, secili Shtet ka të drejtë ta paraqesë çështjen në Komitet, përmes
një njoftimi që i bëhet Komitetit dhe Shtetit tjetër;
c) Komiteti e trajton çështjen e paraqitur atij sipas këtij neni vetëm
pasi ai të ketë vërtetuar se janë provuar dhe konsumuar të gjitha
zgjidhjet e mundshme të çështjes brenda vendit, në pajtim me parimet e
gjithpranuara të së drejtës ndërkombëtare. Ky rregull nuk do të zbatohet
në rastet kur aplikimi i zgjidhjeve është tejzgjatur pa arësye ose kur
nuk ka gjasa t’i sjellë lehtësim të efektshëm personit që është viktimë e
dhunimit të kësaj Konvente;
d) Komiteti zhvillon mbledhje të mbyllura kur shqyrton
komunikatat sipas këtij neni;
e) Duke iu nënshtruar dispozitave të nënparagrafit (c), Komiteti vë
zyrat e tij në dispozicion të Shteteve Palë të interesuaramë synimin për
një zgjidhje miqësore të çështjes mbi bazën e respektimit të detyrimeve
të parashikuara në këtë Konventë. Për këtë qëllim, Komiteti, kur e sheh
me vend,mund të krijojië një komision ad hoc pajtimi;
f) Për çdo çështje që i paraqitet atij sipas këtij neni, Komiteti mund
t’u kërkojë Shteteve Palë në fjalë, dhe të përmendura në nënparagrafin
(b), të sjellin çdo informacion të vlefshëm;
g) Shtetet Palë në fjalë, të përmendura në nënparagrafin (b), kanë
të drejtë të përfaqesohen gjatë shqyrtimit të çështjes nga Komiteti dhe të
bëjnë deklarime me shkrim ose/dhe me gojë;
h) Brenda dymbëdhjetë muajve nga data e marrjes së njoftimit
sipas nënparagrafit (b), Komiteti paraqet një raport:
(i) Nëse arrihet një zgjidhje brenda kushteve të nënparagrafit (e),
Komiteti e kufizon raportin e tij në një parashtrim të shkurtër të fakteve
dhe zgjidhjeve të arritura;
(ii) Nëse nuk arrihet një zgjidhje brenda kushteve të nënparagrafit
(e), Komiteti e kufizon raportin e tij në një parashtrim të shkurter të