Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 17
bazuar në respektimin e parimit të të drejtave të barabarta dhe të së
drejtës së tyre për vetëvendosje, dhe të marrë çdo masë tjetër që mund
të forcojë paqen në botë;
3. Të realizojnë bashkëpunim ndërkombëtar për zgjidhjen e
problemeve ndërkombëtare me karakter ekonomik, shoqëror, kulturor
dhe humanitar, dhe për nxitjen dhe mbështetjen e respektit për të drejtat
e njeriut dhe liritë themelore për të gjithë pa dallim për shkak të rracës,
seksit, gjuhës, ose fesë; dhe
4. Të jenë një qendër e harmonizimit të veprimeve të kombeve për
arritjen e ketyre qëllimeve të përbashkëta.
Neni 2
Për realizimin e Qëllimeve të parashtruara në Nenin 1 Organizata
dhe Anëtarët e saj do të veprojnë në përputhje me Parimet e mëposhtëme:
1. Organizata bazohet në parimin e barazisë sovrane të të gjithë
Anëtarëve të saj.
2. Të gjithë Anëtarët, me qëllim që secilit prej tyre t’i sigurohen të
drejtat dhe përfitimet që rezultojnë nga anëtarësimi, do të përmbushin
në mirëbesim detyrimet e marra prej tyre në përputhje me Kartën
aktuale.
3. Të gjithë Anëtarët do t’i zgjidhin mosmarrëveshjet e tyre ndërkombëtare
me mjete paqësore dhe në mënyrë të tillë që të mos rrezikojnë
paqen, sigurinë dhe drejtësinë ndërkombëtare.
4. Në marrëdhëniet e tyre ndërkombëtare të gjithë Anëtarët do të
shmangin kërcënimin për përdorimin ose përdorimin e forcës kundër
integritetit territorial apo pavarësisë politike të çfarëdo shteti, ose në
çfarëdo mënyre tjetër të papajtueshme me Qëllimet e Kombeve të
Bashkuara.
5. Të gjithe Anëtarët do t’i japin Kombeve të Bashkuara çdo ndihmë
në çdo veprim që ajo ndërmerr në përputhje me Kartën aktuale, dhe do
të shmangin dhënien e ndihmës ndaj çdo shteti kundër të cilit Kombet e
Bashkuara ndërmarrin veprime parandaluse ose detyruese.
6. Organizata do të sigurojë që shtetet që nuk janë Anëtarë të
Kombeve të Bashkuara të veprojnë në përputhje me këto parime për aq sa
do të jetë e nevojshme për ruajtjen e paqes dhe sigurisë ndërkombëtare.
7. Asnjë dispozitë e kësaj Karte nuk i autorizon Kombet e Bashkuara
të ndërhyjnë në çështje që i përkasin kryesisht juridiksionit kombëtar të
një shteti, as nuk i detyron Anëtarët të shtrojnë çështje të kësaj natyre,