Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 193
Neni 48, “Kushdo, vetë ose së bashku me të tjerë, mund t’u drejtojë
kërkesa, ankesa ose vërejtje organeve publike, të cilat janë të detyruara
të përgjigjen në afatet dhe kushtet e caktuara me ligj”.
Në vijim, në bazë të nenit 131/f, Gjykata Kushtetuëse është
kompetente për gjykimin përfundimtar të ankesave të individëve për
shkeljen e të drejtave të tyre kushtetuese për një proces të rregullt ligjor,
pasi të jenë shteruar të gjitha mjetet juridike për mbrojtjen e këtyre të
drejtave.
Sipas nenit 311 të Kodit Penal, Kanosja që i bëhet të dëmtuarit nga
vepra penale me qëllim që të mos kallzojë, të mos ankohet apo të tërheqë
kallzimin apo ankimin e bërë, përbën kundërvajtje penale dhe dënohet
me gjobë ose me burgim gjer në dy vjet.
Parimi i hetimit paraprak dhe gjykimit të pavarur garantohet nga
neni 15/3 i Kodit të Procedurës Penale sipas të cilit, “Nuk mund të
ushtrojë në të njëjtin procedim detyrën e gjyqtarit ai që ka qenë prokuror
ose që ka kryer veprime të policisë gjyqësore ose që ka qenë mbrojtës,
përfaqësues i një pale ose dëshmitar, ekspert ose që ka paraqitur një
kallëzim, ankim, kërkesë për procedim ose që ka dhënë apo ka marrë
pjesë në dhënien e vendimit për autorizimin e procedimit”.
Neni 111, “I pandehuri i izoluar me masë sigurimi ka të drejtë të
paraqesë ankesa, kërkesa dhe deklarata nëpërmjet drejtorit të institucionit,
i cili lëshon dokument për marrjen në dorëzim të tyre. Ato regjistrohen
në një libër të veçantë, i komunikohen menjëherë organit kompetent
dhe kanë efekt njëlloj sikur të ishin pranuar drejtpërdrejt nga ai organ. I
pandehuri që është në gjendje arresti në shtëpi ose që mbahet në ruajtje
në një vend kurimi, ka të drejtë të paraqesë ankesa, kërkesa dhe deklarata
tek oficeri i policisë gjyqësore, i cili vërteton marrjen në dorëzim të tyre
dhe kujdeset për dërgimin menjëherë tek autoritti kompetent. Po këto
rregulla zbatohen edhe për kallëzimet, ankesat, kërkesat dhe deklaratat
që paraqiten nga palët private ose nga i dëmtuari”.
Neni 284, “Për veprat penale të parashikuara nga nenet 85, 89, 102
paragrafi i parë, 105, 106, 130, 239, 240, 241, 243, 264, 275 dhe 318 të Kodit
Penal, ndjekja penale mund të fillojë vetëm me ankimin e të dëmtuarit,
i cili mund ta tërheqë atë në çdo fazë të procedimit. Ankimi bëhet nga i
dëmtuari te prokurori ose në policinë gjyqësore me anën e një deklarate,
në të cilën personalisht ose nëpërmjet përfaqësuesit të posaçëm, shfaqet
vullneti që të procedohet në lidhje menjë fakt të parashikuar nga ligji
si vepër penale. Kur ankimi bëhet me gojë procesverbali që mbahet