Shendeti Mendor dhe te Drejtat e Njeriut - Arct

182
SHËNDETI MENDOR DHE TË DREJTAT E NJERIUT
Në bazë të nenit 18 të ligjit 8328 datë 16.04.1998, “Për të drejtat dhe
trajtimin e të dënuarve me burgim” dhe Rregullores së Përgjithshme të
Burgjeve, institucionet e vuajtjes së dënimit (burgjet), kanë përgatitur
rregulloret përkatëse. Përveç kësaj, Ministria e Drejtësisë dhe
Administrata e Burgjeve kanë zbatuar me rigorozitet rekomandimet e
ndryshme të bëra nga Këshilli i Evropës, të cilat në shumë raste janë
konvertuar në Urdhra Ministri ose Drejtori të Përgjithshëm, sipas
problematikës dhe janë dërguar në institucionet përkatëse për zbatim.
Stafi i burgjeve (civil apo ushtarak), administron veprimtarinë në
burgje në përputhje me dispozitat ligjore e nënligjore. Rastet e përdorimit
të forcës janë të përcaktuara shprehimisht në ligj dhe përdorimi i saj
konsiderohet si mjeti i fundit për zgjidhjen e një konflikti apo situate të
caktuar. Sipas nenit 48 të Rregullores së Përgjithshme të Burgjeve, “Stafit
të burgjeve i ndalohet të kryejë ndaj të dënuarve veprime të pabazuara
në ligj, ndërshkime apo trajtime çnjerëzore apo denigruese, si dhe çdo
lloj torture”. Kjo dispozitë është e përfshirë edhe në të gjitha rregulloret
e veçanta të institucioneve të dënimit.
Ligji nr. 8321, datë 02.04.1998, “Për Policinë e Burgjeve”, neni 8
parashikon se: “Armatimi nuk mund të mbahet në mjediset e brendshme të
burgut të destinuara për qendrim dhe përdorim nga të dënuarit, por vetëm
në mjedise jashtë tyre dhe në shërbimet e shoqërimit jashtë institucionit.
Llojet, normat, rastet dhe mënyra e vënies në përdorim të armatimit vetjak,
bëhet vetëm në rastet e parashikuara me ligjin “Për Policinë e Rendit”. Mjetet
e tjera të forcës vihen në përdorim vetëm me urdhër të drejtorit të Policisë
në Drejtorinë e Përgjithshme të Burgjeve ose në raste të jashtëzakonshme
me urdhër të shefit të Policisë së Institucionit”.
Në sistemin arsimor të R. Shqipërisë masat për arsimimin,
informimin dhe trajnimin e personelit në lidhje me ndalimin e torturës
kanë disa synime:
- njohjen e konventës për ndalimin e të gjitha formave të torturës
dhe të legjislacionit përkatës administrativ e penal për këtë problem;
- parandalimin e përdorimit të çdo forme të torturës nëpërmjet
zbatimit të kërkesave të konventës dhe të legjislacionit përkatës;
- evidentimin dhe kontrollin e shfaqjeve dhe dukurive të ndryshme,
që përmbajnë elemente të drejtpërdrejtë ose të tërthortë të formave të
ndryshme të torturës;
- përdorimin e formave dhe mënyrave të pështatëshme për
sensibilizimin dhe ndërgjegjësimin e kategorive të ndryshme sociale në
lidhje me ndalimin e torturës, etj.