Shendeti Mendor dhe te Drejtat e Njeriut - Arct

28
SHËNDETI MENDOR DHE TË DREJTAT E NJERIUT
11. Krahas përshkrimit të hapave për të garantuar mbrojtje të
përgjithshme, të cilën e gëzojnë të gjithë, ndaj veprimeve të ndaluara
sipas nenit 7, Shteti palë duhet të japë informacion të detajuar mbi
garancitë për mbrojtjen e posaçme të personave veçanërisht të
prekshëm. Duhet nënvizuar se mbajtja nën mbikqyrje sistematike e
rregulloreve, udhëzimeve, metodave dhe praktikave të hetimit, si edhe
masat për ruajtjen dhe trajtimin e personave që i nënshtrohen çfarëdo
forme arresti, ndalimi, apo burgosjeje, janë mjete të efektshme për
parandalimin e rasteve të tortutës dhe keqtrajtimit. Për të garantuar
mbrojtjen e efektshme të personave të ndaluar duhen krijuar dispozita
që të ndaluarit të mbahen në vende të njohura zyrtarisht si vende
ndalimi, dhe emrat e vend-ndalimeve e tyre, si edhe emrat e personave
përgjegjës për ndalimin e tyre, të mbahen në regjistra që mund të vihen
menjëherë në dispozicion dhe të jenë të aksesueshëm nga të interesuarit,
duke përfshirë të afërmit dhe miqtë e tyre. Për të njejtin qëllim, duhet të
regjistrohen koha dhe vendi i gjithë intervistimit, sëbashku me emrat e
të gjithë atyre që kanë qenë të pranishëm, dhe ky informacion duhet të
vihet në dispozicion për proçedime gjyqësore dhe administrative.
Duhen krijuar dispozita edhe kundër ndalimit incommunicado.
Lidhur me këtë, Shtetet palë duhet të sigurohen që çdo vend-ndalim
të mos ketë asnjë pajisje që mund të përdoret për të shkaktuar torturë
ose keqtrajtim. Mbrojtja e të ndaluarit kërkon gjithashtu akses të
menjëhershëm dhe periodik për mjekët e avokatët, si dhe për familjarët,
nën mbikqyrjen e duhur kur kjo kërkohet nga hetimi,
12. Për të mos nxitur dhunimet e parashikuara në nenin 7 është e
rëndësishme që ligji të ndalojë përdorimin e administrimit në procedime
gjyqësore të deklarimeve ose rrëfimeve të marra përmes torturës ose
formave të tjera të trajtimit të ndaluar.
13. Kur paraqesin raportet e tyre, Shtetet palë duhet të tregojnë
dispozitat e ligjit të tyre penal të cilat penalizojnë torturën dhe trajtimin
apo ndëshkimin e egër, çnjerëzor dhe degradues, duke specifikuar
dënimet që zbatohen për raste të tilla, pavarësisht nëse janë kryer nga
nëpunës publikë apo persona të tjerë që veprojnë në emër të Shtetit ose
si persona privatë. Ata që dhunojnë nenin 7 duke nxitur, urdhëruar,
toleruar ose kryer veprime të ndaluara, duhet të mbajnë përgjejgësi.
Rrjedhimisht, ato që kanë refuzuar t’i binden urdhërave nuk duhet të
ndëshkohen ose t’i nënshtrohen asnjë trajtimi armiqësor.
14. Neni 7 duhet lexuar sëbashku me nenin 2, paragrafi 3, të Paktit.
Në raportet e tyre, Shtetet palë duhet të dëshmojnë se si sistemi i tyre