Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 91
drejtave e lirive themelore të njeriut dherëndësinë e instrumenteve të
tjerë të të drejtave të njeriut të pranuara brenda sistemit të Kombeve të
Bashkuara, si edhe ato në nivel rajonal,
Duke theksuar se të gjithë anëtarët e komunitetit ndërkombëtar
përmbushin, bashkërisht ose veç e veç, detyrimin e tyre solemn për
të nxitur dhe inkurajuar respektimin e të drejtave e lirive themelore të
njeriut për të gjithë pa dallim të çfarëdo lloji, duke përfshirë dallimet
e bazuara tek rraca, ngjyra, seksi, gjuha, feja, bindja politike ose tjetër,
origjina kombëtare ose sociale, prona, statusi i lindjes ose tjetër, dhe
duke riafirmuar rëndësinë e veçantë të realizimit të bashkëpunimit
ndërkombëtar për përmbushjen e këtij detyrimi sipas Kartës,
Duke njohur rolin e rëndësishëm të komunitetit ndërkombëtar, dhe
punën e çmuar të individëve, grupeve dhe shoqatave për të kontribuar
në eleminimin e efektshëm të të gjithë shkeljeve të të drejtave dhe lirive
themelore të njeriut për popujt dhe individët, duke përfshirë shkeljet
masive, flagrante e sistematike si ato që shkaktohen nga aparteidi, gjithë
format e diskriminimit rracor, kolonializmit, sundimit ose pushtimit
të huaj, agresionit ose kërcënimit të sovranitetit kombëtar, unitetit
kombëtar ose integritetit territorial, dhe nga refuzimi për të njohur të
drejtën e popujve për vetëvendosje dhe të drejtën e çdo populli për të
ushtruar sovranitet të plotë mbi pasuritë dhe burimet e tij natyrore,
Duke pranuar lidhjen mes paqes e sigurisë ndërkombëtare dhe
gëzimit të të drejtave e lirive themelore të njeriut, dhe të ndërgjegjshëm
se mungesa e paqes e sigurisë ndërkombëtare nuk e justifikon
mosrespektimin e tyre,
Duke ritheksuar se të gjitha të drejtat e liritë themelore të njeriut
janëuniversale, të pandashme, të ndërvarura e të ndërlidhura dhe duhet të
nxiten e të zbatohen në mënyrë të ndershme e të barabartë, pa paragjykime
në zbatimin e secilës nga këto të drejta dhe liri themelore të njeriut,
Duke theksuar se detyra dhe përgjegjësia parësore për nxitjen dhe
mbrojtjen e të drejtave e lirivethemelore të njeriut i përkasin Shtetit,
Duke njohur të drejtën dhepërgjegjësinë e individëve, grupeve dhe
shoqatave për nxitjen e respektimit dhe thellimin e njohurive për të
drejtat dhe liritë themelore të njeriut në nivel kombetar e ndërkombëtar,
Deklaron: Neni 1
Cilido ka të drejtë, individualisht ose i shoqëruar me të tjerë, të
nxisë e të përpiqet për mbrojtjen dhe përmbushjen e të drejtave e lirive
themelore të njeriut në nivel kombëtar e ndërkombëtar.