Shendeti Mendor dhe te Drejtat e Njeriut - Arct

134
SHËNDETI MENDOR DHE TË DREJTAT E NJERIUT
Duke marrë parasysh Rekomandimin 1159 (1991) mbi harmonizimin
e rregullave të autopsisë, të miratuar në Sesionin e saj të 43të Zakonshëm
nga Asambleja Parlamentare e Këshillit të Europës;
Duke marrë parasysh Protokollin e Autopsisë Model të Kombeve të
Bashkuara, të nënshkruar nga Asambleja e Përgjithshme e Kombeve të
Bashkuara në 1991;
Duke marrë në konsideratë “guidën për identifikimin e viktimave të
katastrofave” të miratuar nga Asambleja e Përgjithshme e Organizatës
Ndërkombëtare të Policisë Kriminale (Interpol) në 1997,
1. U rekomandon qeverive të shtetve anëtarë:
i. Të zbatojnë si standarde të brendshme të vetat parimet dhe
rregullat që përfshihen në këtë rekomandim;
ii.Të ndërmarrin ose forcojnë, sipas rastit, të gjitha masat e nevojshme
me synimin për zbatimin e vazhdueshëm të parimeve dhe rregullave që
përfshihen në këtë rekomandim;
iii. Të ngrenë një program të sigurimittë cilësisë për të garantuar
zbatimin e duhur të parimeve e rregullave që përfshihen në këtë
rekomandim.
2. Fton qeveritë e shteteve anëtarë
të informojnë Sekretarin e Përgjithshëm të Këshillit të Europës
me kërkesën e tij/saj mbi masat e marra për zbatimin e parimeve e
rregullave që përfshihen në këtë rekomandim.
Parimet dhe rregullat që lidhen me proçedurat e autopsisë mjekoligjore
Hapësira e rekomandimit
1. Në rastet kur vdekja mund të vijë nga shkaqe jo natyrore,
autoriteti kompetent, i shoqëruar nga një ose më shumë ekspertë mjekoligjorë,
duhet të hetojë vendin, kur është e nevojshme, të egzaminojë
trupin dhe të vendosë nëse duhet kryer autopsia.
2. Autopsitë duhet të kryhen në të gjitha vdekjet jo natyrore të
qarta ose të dyshuara, edhe kur ka vonesë midis vdekjes dhe ngjarjeve
që e shkaktuan atë, në veçanti:
[...]
c. Dhunim të të drejtave të njeriut, si dyshimi për torturë ose çdo
formë tjetër të keqtrajtimit;
[...]