Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 133
Duke mbajtur parasysh se qëllimi i Këshillit të Europës është të
arrijë një unitet më të madh ndërmjet anëtarëve të tij;
Duke respektuar parimet e parashtruara në Konventën për Mbrojtjen
e të Drejtave e Lirive Themelore të Njeriut dhe, sidomos, ndalimin e
torturës ose trajtimit apo ndëshkimit çnjerëzor ose degradues, dhe të
drejtën e jetës;
I ndërgjegjshëm se është praktikë normale që autopsitë e kryera në
të gjithë Shtetet anëtarë të Këshillit të Europës të përcaktojnë shkakun
e mënyrën e vdekjes për arësye mjeko¬ ligjore ose të tjera ose të
përcaktojnë identitetin e të vdekurit;
Duke marrë parasysh rëndësinë e kompensimit për viktimat e
familjet e tyre në proçedime civile e penale;
Duke nënvizuar nevojën që hetimi, përshkrimi, dokumentimi
fotografik dhe kampionimi gjatë autopsisë mjeko-ligjore duhet të
zbatojnë para së gjithash parime mjekësore e shkencore dhe njëkohësisht
të marrin në konsideratë kërkesat e proçedurat ligjore;
Të ndërgjegjshëm se lëvizshmëria në rritje e popullsisë në Europë
dhe botë, si edhe ndërkombëtarizimi në rritje i proçedimeve gjyqësore
kërkojnë zbatimin e udhëzimeve uniforme mbi mënyrën e kryerjes së
autopsive dhe mbi mënyrën si hartohen raportet e autopsive;
Duke marrë parasysh Marrëveshjen e Këshillit të Europës mbi
Transferimin e Kufomave (Traktati Europian Nr. Serie 80) dhe duke
marrë në konsideratë vështirësitë që hasen shpesh nga vendi marrës
kur një kufomë riatdhesohet nga një shtet anëtar tek një tjetër;
Të ndërgjegjshëm përrëndësinë e proçedurave të sakta të autopsisë,
sidomos me synimin për të hedhur dritë mbi ekzekutimet e paligjshme,
dhe krimet e shkaktuara nga regjimet autoritare;
Duke nënvizuar nevojën për të mbrojtur pavarësinë dhe asnjanësinë
e ekspertëve mjeko-ligjorë, si edhe për të vënë në dispozicion lehtësirat
e nevojshme ligjore dhe teknike që ata të mund të kryejnë detyrat e tyre
në mënyrën e duhur dhe për të nxitur trainimin e tyre;
Duke marrë në konsideratë rëndësinë e sitemeve kombëtare të
kontrollit të cilësisë për sigurimin eperformancës së autopsive mjekoligjore;
Duke nënvizuar nevojën për forcimin e bashkëpunimit
ndërkombëtar me synimin për harmonizimin e vazhdueshëm të
proçedurave të autopsisë mjeko-ligjore në nivel Europian;