Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 161
Republikës së Shqipërisë, me përjashtim të rasteve kur Kushtetuta e lidh
në mënyrë të posaçme me shtetësinë shqiptare ushtrimin e të drejtave e
të lirive të caktuara”.
Sipas nenit 39 pika 3 të Kushtetutës, “Ndalohet dëbimi kolektiv i të
huajve. Dëbimi i individëve të huaj lejohet në kushtet e përcaktuara me
ligj”. Po kështu në përputhje me nenin 40, “Të huajt kanë të drejtën e
strehimit në Republikën e Shqipërisë sipas ligjit”.
Hyrja, qëndrimi dhe trajtimi i të huajve në Republikën e Shqipërisë
rregullohen nga ligji nr.7939, datë 25.05.1995 “Për Migracionin”, ligji nr.
8492 datë 27.05.1999 “Për të huajt” dhe Vendimi i Këshillit të Ministrave,
nr.439, datë 04.08.2000 “Për hyrjen, qëndrimin dhe trajtimin e të huajve
në Republikën e Shqipërisë”.
Sipas nenit 3 të ligjit “Për Migracionin”, ky ligj njeh dhe respekton
parimet e përgjithshme të akteve ndërkombëtare. Neni 4 i ligjit
parashikon se, “Nëpunësit e administratës shtetërore shqipëtare, që
angazhohen në zbatimin e këtij ligji, ose të akteve të tjera nënligjore të
nxjerra në zbatim të tij, zbatojnë detyrat e tyre në pajtim me parimet e
përgjithshme të akteve ndërkombëtare dhe detyrimet ndërkombëtare të
Shqipërisë, pa marrë në konsideratë gjininë, kombësinë, racën ngjyrën
ose besimin e personave, të cilët kërkojnë të hyjnë, të dalin a të qëndrojnë
në Republikën e Shqipërisë.
Neni 24 i këtij ligji parashikon se, “Personat, që për shkak të
persekutimit për arsye race, feje, kombësie, pjesëmarrje në një grup
shoqëror a politik, janë jashtë vendit të kombësisë së tyre dhe nuk kanë
mundësi të mbrohen në këtë vend, ose ata që nuk kanë kombësi janë
jashtë vendit të banimit të tyre formal të zakonshëm dhe nuk kanë
mundësi të kthehen në të, njihen si refugjatë në bazë të procedurave të
caktuara në aktet e nxjerra në zbatim të këtij ligji”.
Personi pushon së qëni refugjat në kuptim të këtij ligji, në qoftë se:
a)Ka kryer një krim kundër paqes, një krim lufte ose një krim kundër
njerëzimit, sipas përcaktimeve të akteve ndërkombëtare;
b)ka kryer një krim të rëndë jopolitik jashtë Shqipërisë, para se ai të
pranohet në Shqipëri si refugjat;
c)merr shtetësinë shqiptare ose shtetësinë e ndonjë vendi tjetër dhe
gëzon mbrojtjen e atij shteti, shtetësinë e të cilit ka marrë;
ç) rivendoset vullnetarisht në vendin nga i cili ishte larguar, ose
jashtë të cilit ai kishte mbetur si rezultat i frikës së persekutimit;