Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 65
fëmijës, duke përfshirë Rregullat në fjalë. Personeli duhet të zotërojë
e përmirësojë njohurirtë dhe aftësitë e veta profesionale duke ndjekur
kurse trainimi që duhet të organizohen në intervale të përshtatshme
gjate gjithë karrierës së tyre.
[...]
87. Në kryerjen e detyrave të tij, personeli i ambienteve të burgimit
duhet të respektojë dhe të mbrojë dinjitetin njerëzor dhe të drejtat
themelore të të gjithë adoleshentëve, sidomos, si më poshtë:
a) Asnjë pjesëtar i ambientit ose institucionit të burgimit nuk
mund të shkaktojë, nxisë ose tolerojë asnjë torturë ose formë trajtimi,
ndëshkimi, korrigjimi ose disiplinimi të egër, çnjerëzor ose degradues,
për asnjë pretekst ose rrethanë ciladoqoftë;
[...]
c) I gjithë personeli duhet të respektojë Rregullat në fjalë. Personeli
që ka arësye të besojë se ka ndodhur ose mund të ndodhë një shkelje e
rëndë e Rregullave në fjalë, duhet ta raportojë çështjen tek autoritetet
ose organet eprore që kanë fuqi shqyrtuese ose zgjidhëse;
d) I gjithë personeli duhet të sigurojë mbrojtjen e shëndetit fizik
e mendor të adoleshentëve, duke përfshirë mbrojtjen nga abuzimi ose
shfrytëzimi fizik, seksual e emocional, dhe duhet të marrë masa të
menjëhershme për të siguruar kujdes mjekësor kur ky është i nevojshëm;
[...]
Paketa e Parimeve për Mbrojtjen e Të Gjithë Personave nën Çdo
Formë Ndalimi ose Burgimi
Miratuar me rezoulutën 43/173 të Asamblesë së Përgjithshme më 9
Dhjetor 1988
SFERA E PAKETËS SË PARIMEVE
Këto parime zbatohen për mbrojtjen e të gjithë personave nën çdo
formë ndalimi ose burgimi.
PËRDORIMI I TERMAVE
Për qëllimet e Paketës së Parimeve:
a) “Arrestim” nënkupton veprimin e kapjes së një personi që
pretendohet se ka kryer një krim ose përmes veprimit të një autoriteti;
b) “Person i ndaluar” nënkupton çdo person të privuar nga liria