Shendeti Mendor dhe te Drejtat e Njeriut - Arct

SHËNDETI MENDOR DHE TË DREJTAT E NJERIUT 137
Dokumenti i Mbledhjes së Moskës të Konferencës mbi Dimensionin
Njerëzor të OSBE
Moskë, 3 tetor 1991
[...]
23. Shtetet pjesëmarrës i trajtojnë të gjithë personat e privuar nga liria
e tyre me humanizëm dhe respekt për dinjitetin e qenësishëm të qenies
njerëzore dhe respektojnë standardet e njohura ndërkombëtarisht që
lidhen me dhënien e drejtësisë dhe të drejtat njerëzore të të ndaluarve.
23.1 Shtetet pjesëmarrës sigurojnë që:
i. Askush nuk privohet nga liria e tij përveçse për ato arësye e në
përputhje me ato proçedura që
përcaktohen me ligj;
ii.Cilido që arrestohet informohet menjëherë në një gjuhë që ai
kupton, mbi arësyet për arrestimin e tij, dhe informohet për akuzat
kundër tij;
iii. Çdo person që është privuar nga liria e tij ka të drejtën të
informohet menjëherë për të drejtat e tij sipas të drejtës së brendshme;
iv. Çdo person i arrestuar ose ndaluar ka të drejtën të nxirret
menjëherë para një gjyqtari ose nëpunësi tjetër të autorizuar me ligj për
të përcaktuar ligjshmërinë e arrestimit ose ndalimit të tij, dhe lirohet pa
vonesë nëse ai është i paligjshëm;
v. Cilido që akuzohet për një shkelje penale ka të drejtën të mbrohet
vetë osepërmes ndihmës ligjore që ai zgjedh vetë ose, nëse nuk ka mjetet
e nevojshme për të paguar ndihmën ligjore, ajo t’i jepet falas kur kjo
kërkohet nga interesat e drejtësisë;
vi. Çdo person i arrestuar ose ndaluar ka të drejtë, pa vonesa të
paarsyeshme, të njoftojë, ose t’i kërkojë autoritetit kompetent të njoftojë
personat e duhur për arrestimin, ndalimin ose burgimin dhe vendndodhjen
e tij; çdo kufizim në ushtrimin e kësaj të drejte parashikohet
me ligj dhe në përputhje me standardet ndërkombëtare;
vii. Masa të efektshme ndërmerren, nëse kjo nuk është bërë akoma,
për bërë të mundur që organet ligjzbatuese të mos përfitojnë në mënyrë
të parregullt nga situata e personave të ndaluar ose të burgosur me
qëllim që t’i detyrojnë ata të rrefejnë, ose përndryshe të inkriminojnë
veten, ose t’i detyrojnë ata të dëshmojnë kundër çdo personi tjetër;
viii. Kohëzgjatja seancave të hetuesisë dhe intervalet ndërmjet tyre
dokumentohen dhe vertetohen sipas të drejtës së brendshme;