Предавања 2011 - Универзитет „Св. Кирил и Методиј“

_________________________________________________________
106
оценува според квантитативно-статистичките методи и мерила. Тој за
тоа не пишувал посебни статии, но во својата сопствена поезија повеќекратно
го формулирал и го застапувал својот став. Затоа, во една песна
од својата последна фаза, тој ќе рече:
„Најважно е случајното,
мигновеното,
единственото,
тоа како да се допреле во неповторлив допир
дрвце до кибрит,
вода до оган,
рака до гради – ете го основното!“
А, во својата последна книга „Светот на песната и легендата“
(1993), Конески ја искажува мислата што ни изгледа мошне суштествена
за севкупната негова поезија:
„Уметноста претставува еден наш начин за артикулирање, осмислување
на хаосот што ги напаѓа сите наши чула и преку нив целото
наше битие, уметноста ја штити нашата личност од безобличноста.
Таа, кај творечката личност предизвикува чувство на задоволство
и релаксација, поради тоа што преку неа се пројаснува невиделината
и се средува безразборот“.