Предавања 2011 - Универзитет „Св. Кирил и Методиј“

_________________________________________________________ 191
ските медиуми, радиото и телевизијата, а во последно време и преку
интернетот, со збор и слика имаат можност многу брзо да дознаат што
се случило на настанот одржан во Охрид, во Република Македонија. Се
разбира, некои од нив се и познати познавачи и афирматори на македонскиот
јазик во своите земји и пошироко. И повторно морам да
нагласам дека честопати и од чинот на отворањето на Семинарот се
пренесуваат различни податоци, извештаи и коментари. Некои од
јавните срадства за информирање акцентот го посочуваат на бројот на
учесниците, други пак, од колку и од кои земји се присутни учесниците
на овој научен собир посветен на изучувањето на македонскиот јазик.
Сведоци сме и на забележливи грешки. Некои медиуми погрешно го
истакнуваат бројот на слушателите, други пак, спомнуваат учесници од
некои земји, а од кои воопшто не пристигнале во Охрид. Исто така,
според мислењето и уредувачката политика на медиумот, дали тој е
печатен или електронски – различни се и оценките за важноста на
Меѓународниот семинар за македонски јазик, литература и култура во
Охрид. Некои од нив во своите наслови и извештаи акцент ставаат на
пристигнатите гости од несловенските земји, други пак, истакнуваат, на
пример, дека на годинашниов Семинар во Охрид допатуваа најмногу
слависти – македонисти од Полска итн., што значи, бележиме различни
оценки за еден настан. Но, тоа е нормално во едно демократско општество.
Останува вистинска проценка да направат самите читатели или
радиослушатели, како и тв гледачи. Единствена наша забелешка е, сите
јавни средства за информирање, многу да не отстапуваат од новинарскиот
кодекс – а тоа е нивно што пообјективно информирање.
За помасовно информирање на Меѓународниот семинар за
македонски јазик, литература и култура во Охрид, секако придонесува
и местото на одржување на овој значаен научен собир поврзан со изучувањето
и афирмацијата на македонистиката. Мое сознание е дека
поголем информативен ефект има научниот собир кога се одржува во
месност (град или населба), во објект, просторија што се наоѓа во урбан
центар, каде што има добри комуникации и врски со светот. Настапувам
со пример и аргументи за да го докажам ова мое сознание и оваа
моја оценка.
Во досегашните 44 одржани семинари во Охрид, како центар и
собир на странските слависти – македонисти, без сомнение, беше
хотелот „Палас“ со неговите сали, простории и широки летни тераси.
Тука беа почетоците за изучување на македонскиот јазик, кој постепено,
но сигурно го ширеа низ светските хоризонти, стотици и стотици
слушатели, курсисти, а подоцна и докажани познавачи на македонскиот
јазик, кои несебично ја афирмираа македонистиката низ светот.
Така беше речиси дваесетина години. Подоцна семинаристите од своите
професори и предавачи првите познавања, како и опширните содржини
по македонски јазик, литература и култура, ги стекнуваа во прос-