Предавања 2011 - Универзитет „Св. Кирил и Методиј“

_________________________________________________________
190
и за други случки, настани и збиднувања кај нас и во светот. Се
разбира, не е осамена само оваа новинарска грешка. Нив ги има многу,
а јас ја истакнувам само од еден настан, поврзан со проблематиката
што ја обработувам. Со тоа, на некој начин, нагласувам од какво значење
се јавните средства за информирање и колку тие влијаат врз објективното
или погрешното информирање.
Значаен настан, на кој, важна улога имаат јавните средства за
информирање врз афирмацијата на македонистиката, секако, е самото
одржување на Меѓународниот семинар за македонски јазик, литература
и култура, кој ете, веќе се одржува по 44 пат, во стариот и убав град
Охрид. Всушност, центарот на словенската писменост е уште поголем
центар на македонистиката. Овде секоја година, поточно секое лето
доаѓаат млади слависти – македонисти, но и афирмирани професори,
академици од повеќе земји на светот, а најмногу од европските држави.
Еден број на учесници за првпат се среќаваат со говорот и со писмото
на македонски јазик и потоа постепено и упорно го совладуваат нашиот
јазик, додека други пак, доаѓаат со подготвени реферати и научни
трудови со најнови истражувања и сознанија за одделни специфики и
развојни сегменти од македонскиот јазик. Таквите заложби и иницијативи
на странските учесници се драгоцен придонес врз севкупната
афирмација на македонскиот јазик, на македонската култура и литература,
но и на историјата и македонската традиција. Но, каква е тука
улогата на јавните средства за информирање!.
Нема дилеми дека присутноста на новинарите и на сите претставници
на јавното информирање е од огромно значење. А, еве зошто.
Ако на отворањето на големиот настан – започнувањето со работа на
Меѓународниот семинар за македонски јазик, литература и култура во
Охрид, не се присутни претставници на печатените и електронски
медиуми, настанот и свеченоста ќе имаат чест да ги проследат само
присутните гости и учесници! А, тоа е еден мал број, па нека се и околу
100 луѓе. Но, еве и каква е моќта на медиумите. Оние новинари што
известуваат од овој настан за своите весници ги пренесуваат впечатоците
и програмите од овој научен собир, некои во кратка форма, но
некои со опширни извештаи, како и со фотографии од свеченоста. Во
зависност од тиражот на весникот зависи и колку читатели ќе се
запознаат со случувањата на настанот во Охрид. Но, се разбира, на сите
ни е јасно, дека со научниот собир и бројот на учесниците и од кои
земји доаѓаат, ќе се запознаат илјадници читатели, илјадници наши граѓани.
Исто така, не треба да се заборави дека одделни весници се дистрибуираат
и во некои странски земји, па извесен број на читатели
регистрираме и кај македонското иселеништво. Не се исклучува можноста
информацијата во весниците за Семинарот во Охрид да се најде и
кај некој од тамошните граѓани на некоја европска, австралиска или
американска држава. Уште позначајно е тоа што тие преку електрон-