Предавања 2011 - Универзитет „Св. Кирил и Методиј“

_________________________________________________________
192
ториите на депандансот на хотелот „Палас“ или во просториите и
училниците на некои охридски училишта. Не беше мал периодот кога
странските слависти – македонисти Меѓународниот семинар за македонски
јазик, литература и култура го следеа во просториите и амфитеатарот
на Факултетот за туризам во Охрид. Како домаќин на младите,
но и на голем број афирмирани македонисти, беше охридската населба
Пештани и нејзиниот убав хотел „Десарет“. И, најпосле, а тоа значи, во
последните 5-6 години, гостопримство на љубителите на македонскиот
јазик, култура, литература, на македонската историја и традиција, им
пружа Универзитетот „Свети Кирил и Методиј“од Скопје во своите
простории на Конгресниот центар во Охрид.
Од мое лично и долгогодишно искуство и од искажувањето на
повеќе мои колеги новинари – се доаѓа до констатација дека помасовно,
подобро, па би рекол и пообјективно информирање, среќаваме во
јавните средства за информирање кога Семинарот се одржувал во центарот
во Охрид. Тоа значи, дека информативните македонски гласила
поголем простор и акцент на научниот собир на славистите – македонисти
и воопшто на афирмацијата на македонистиката, посветувале
кога тој се одржувал во просториите на хотелот „Палас“ и неговиот
депанданс, како и во просториите на Факултетот за туризам во Охрид.
Всушност, за тоа сведочат информациите, извештаите, репортажите,
објавувани, како во печатените јавни средства за информирање, така и
во електронските. На пример, Македонската телевизија редовно преку
Дневникот, како и во специјалните емисии и тв портрети редовно секоја
година посветуваше голем простор на случувањата на Меѓународниот
семинар за македонски јазик, литература и култура. Додека научниот
собир се одржуваше во погоре споменатите објекти, оваа национална
информативна куќа (а тука го вбројувам и Македонското радио –
Радио Скопје), снимаше и на своите програми емитуваше триесетина
емисии, радио и тв портрети преку кои славистите - македонисти ги
искажуваа своите постигнувања во областа на македонистиката.
Сознанијата велат дека со менување на местото на одржување
на Меѓународниот семинар за македонски јазик, литература и култура,
а тоа значи на поодалечени места од Охрид, односно од неговиот центар,
интересот за следење на работата на овој научен собир е помал и
не е на саканото ниво. Се разбира, пречка за тоа не е бројот на учесниците
или од кои земји тие доаѓаат. Исто така, не е причина на овој
значаен собир на науката за македонскиот јазик да има помал интерес и
давање простор од страна на информативните гласила во Македонија.
Главната причина е јасна и едноставна – поради финансиските потешкотии
со кои се соочуваат македонските информативни куќи и оддалеченоста
на одржување на Семинарот, на одвај десетина километри
оддалеченост – помал е бројот на новинарите од весниците, радиото и
телевизијата што пристигнуваат и што го следат овој важен собир.