Предавања 2011 - Универзитет „Св. Кирил и Методиј“

_________________________________________________________ 73
Ноември“, ,,Гоце Делчев“, ,,Браќа Миладиновци“, ,,Рациново признание“
и др.
Од признанијата од домашната средина ги изделувам: основањето
на Фондацијата за македонски јазик ,,Небрегово“ (со своите
едиции и претворањето на неговата родна куќа во спомен дом), именувањето
на Филолошкиот факултет на Универзитетот во Скопје со неговото
име, публикувањето на многу зборници од научни средби посветени
на неговото дело и многу други
Сите овие ќе зрачат и во иднината ќе го одржуваат споменот на
великанот.
Некои од оние кои го следат моето пишување за Конески, иако
ретки, ми префрлаат понекогаш дека претерувам кога го оценувам делото
на Конески, дека пишувам еуфорично за него. Јас и сега останувам
на својот затврден став. Не е мое да предвидувам дали и тие ќе останат
на својот. Секој си има свој избор.
Зошто е мојот став таков Едноставно, затоа што Блаже Конески
повлече потези во многу области кои имаат историска димензија:
затоа што го означи македонскиот национален идентитет во многу
сегменти – јазикот, литературата, институциите на образованието и
културата, традицијата; затоа што сето ова останува, само се потврдува
во времето сегашно, а ќе се затврдува во времето идно.
Сега ќе се задоволам само со една кратка и строга реченица,
онака како што пееше, и ќе заклучам: Блаже Конески е вонвременска
личност во наши услови.