lois et reglements police de roulage avec amendements

keretse ari kumwe n'umwigisha ufite uburenganzira bwo mu rwego rw'imodoka atwaye.
Umwigisha agomba kuba iruhande rw'uwo yigisha kugira ngo ashobore kureba neza ibyo akora
kandi amugoboke mu gihe cyo kuyitwara iyo bibaye ngombwa.
Ikinyabiziga cyigirwaho kigomba kuba gifite inyuma ikimenyetso kigizwe n'inyuguti L yera
yanditswe mu ibara ry'ubururu kandi ifite uburebure butari hasi ya santimetero 15 cyangwa
icyapa cy'umweru cyanditseho "AUTO-ECOLE" mu nyuguti z'umukara.
6. Iyo rwatakaye, rwibwe cyangwa rwangiritse, uruhushya rwo gutwara ikinyabiziga
rusimburwa by'agateganyo, mu gihe gihagije kugirango habe habonetse inyandiko yarwo, kandi
icyo gihe ntikirenge iminsi cumi n'itanu n'urupapuro rufite agaciro nk'ak'uruhushya rwo gutwara
imodoka rutangwa na prokireri wa Repubulika. Bisabwe n'uwari afite uruhushya rwo gutwara
ikinyabiziga rwatakaye, rwibwe cyangwa rwangiritse, abategetsi batanga urwa mbere batanga
n'inyandiko nshungu yarwo.
7. (iteka rya perezida n° 72/01 ryo ku wa 30/10/2003) Uruhushya rwo gutwara ibinyabiziga
n'inyandiko-nshungu yarwo bitangwa ari uko harishywe aya mafaranga: -
Uruhushya rwo gutwara ikinyabiziga ku rwego rutangirirwaho: 20.000 frw:
Kuri buri rwego rwiyongereyeho: 5.000 frw.
Uruhushya rw'agateganyo rwo gutwara ibinyabiziga: 5.000frw.
Inyandiko-nshungu y'uruhushya rwo gutwara ibinyabiziga:5.000 frw
Inyandiko-nshungu y'uruhushya rw'agateganyo rwo gutwara ibinyabiziga:
2.500 frw Kunguruza uruhushya rw'agateganyo rwo gutwara ibinyabiziga :
1.000 frw Guhinduza Uruhushya rwo gutwara ibinyabiziga rw'amahanga :
10.000 frw
Nyamara, abafite uruhushya rw'agateganyo rugifite agaciro, batanga gusa amafaranga yari
asigaye ngo babone uruhushya rwa burundu rwo gutwara ikinyabiziga .Gukora ikizamini
cy'uruhushya rw'agateganyo n'icy'urwego rutangirirwaho : 5.000 frw.
8. a) Uruhushya rwo gutwara ibinyabiziga rwimwa cyangwa rwamburwa abantu barwaye
indwara zikurikira:
- ku byerekeye uruhushya rwo mu rwego C, D, E, na F, ukubona kw'ijisho kugomba kugira 8/10
kuri buri jisho cyangwa 7/10 ku jisho rimwe na 9/10 ku rindi jisho, cyangwa se 6/10 ku jisho
rimwe na 10/10 ku rindi. Biremewe ko uburwayi bw'amaso bukosorwa n'amataratara
abigenewe.
- Ukumva: kutumva cyangwa kumva buhoro bikabije kandi ku matwi yombi.
- Izindi ndwara z'ubuzima zibuza bikabije ingingo gukora neza cyangwa zihungabanya
imikorere y'ubwonko.
b) Prokireri wa Repubulika ashobora gutumiza umuntu wese ufite uruhushya rwo gutwara
ibinyabiziga akekaho bumwe mu burwayi bumaze kuvugwa kugira ngo asuzumwe na muganga
amutegetse; muganga yoherereza Prokireri ibyo yabonye mu gihe kitarengeje iminsi umunani.
c) Prokireri wa Repubulika ashobora kwambura by'agateganyo uruhushya rwo gutwara
ikinyabiziga umuntu wese wanze gusuzumwa na muganga; ashobora na none kwambura
uruhushya umuntu wese uzwiho uburwayi bumaze kuvugwa.
d) Icyemezo cya Prokireri wa Republika kiri kumwe n'inyandikuro yemewe ya raporo ya
muganga wa Leta, cyohererezwa nyirubwite mu ibaruwa ishinganywe mu iposita ikanatangirwa
icyemezo cy'uko bayibonye.
e) Icyemezo cya Prokireri wa Repubulika ntikijulirirwa iyo cyafashwe kubera kwanga