lois et reglements police de roulage avec amendements

a) bamaze kugiteranya cyangwa kugisana kugirango basuzume imikorere myiza y'ikinyabiziga;
b) bacyerekana kugirango kigurishwe;
c) kugirango ikinyabiziga gishyikirizwe umuguzi.
2. Ibinyabiziga bigeragezwa bishobora kugendeshwa mu nzira nyabagendwa bifite ibimenyetso
bibiranga, byakozwe na Minisiteri ishinzwe Transiporo. Ibyapa bigomba gushyirwa ku
kinyabiziga ku buryo buteganijwe n'ingingo 130. 1 na 2 y'iri teka.
3. Ukoresha ikinyabiziga agomba kugira igitabo cyandikwamo uko numero z'ibyapa
by'igeragezwa zikurikirana.
Numero igezweho y'icyapa cy'igeragezwa yandikwa buri munsi mu gitabo cyandikwamo
n'abakora cyangwa abacuruza ibinyabiziga hakurikijwe ingingo 4 y'iteka rya Ministri n°
11/071/Fin ryo kuwa 20 ukuboza 1973 ryerekeye imisoro y'umutungo kimwe no ku nyandiko
ihinnye y'igitabo cya buri munsi umuyobozi w'ikinyabiziga agomba kwerekana igihe cyose
abisabwe n'umukozi ubifitiye ububasha.
Umutwe 9. IBINYAMITENDE, VELOMOTERI N'IBINYABIZIGA BISUNIKWA
N'ABANTU
Ingingo 134:
1. Ukuranga ibinyamitende, velomoteri n'ibinyabiziga bisunikwa n'abantu bikorwa buri mwaka,
hakozwe imihango yerekeye umusoro w'umutungo w'ikinyabiziga. (Ibinyamitende
n'ibinyabiziga bidatangirwa umusoro ntibirangwa).
2. Ibinyamitende, velomoteri n'ibinyabiziga bisunikwa n'abantu bigomba kugira imbere ku
ruhande rw'ibumoso, ikimenyetso gitandukanya bihabwa igihe byandikwa giteye ku
gifatamutende cyangwa kuri mwaye.
Umutwe 10. IMISORO
Ingingo 135:
1. Ugutangwa kw'ibyapa ndanga biri kumwe n'ikarita iranga ikinyabiziga bibanza gutangirwa
imisoro igenwa n'iteka rya Ministri w'Imari.
2. Ugutangwa kw'inyandukuro y'ikarita iranga ikinyabiziga bibanza gutangirwa umusoro
ugenwe n'iteka rya Minisitiri ushinzwe iby'imari ya Leta.
3. Ugutangwa kw'ibyapa bibiri hakurikijwe amategeko agenga ibinyabiziga bicuruzwa bibanza
gutangirwa umusoro no mu gihe byagenwe n'iteka rya Minisitiri w'Imali.
4. Ugutangwa kw'ibyapa by'igeragezwa gutangirwa umusoro ugenwa n'iteka rya Minisitiri
ushinzwe iby'imari ya leta
Akimara kubona ibyapa bishya, uwabisabye agomba gusubiza mu biro bibishinzwe icyarangaga
ikinyabiziga mbere yaba yarasigaranye.
Igice 6. IMIGENZURIRE Y'IMITERERE Y'IBINYABIZIGA
Umutwe 1. IKIGO GISHINZWE IGENZURA RY'IMITERERE Y'IBINYABIZIGA
Icyiciro 1. Ibisobanuro