lois et reglements police de roulage avec amendements

Amafaranga y'imirimo y'igenzurwa arihwa na ba nyir'ibinyabiziga. Umubare wayo mafaranga
ugenwa n'Iteka rya Minisitiri ushinzwe Ubucuruzi abisabwe na Minisitiri ushinzwe Gutwara
Abantu n'Ibintu.
Igice 7. KOMITE Y'IGIHUGU ISHINZWE UMUTEKANO MU MUHANDA
Umutwe 1. ABAYIGIZE
Ingingo 145:
Komite y'Igihugu ishinzwe umutekano mu mihanda yitwa Komite mu ngingo zikurikira,
cyangwa mu magambo ahinnye CNSR igizwe n'aba bakurikira
- Umuyobozi wo Gutwara Abantu n'Ibintu muri Minisiteri ishinzwe Gutwara Abantu n'lbintu:
Perezida;
Komanda w'Umutwe wa Polisi y'Igihugu ushinzwe urnutekano mu mihanda: Visi-Perezida;
Umuyobozi ushinzwe amateme n'imihanda muri Minisiteri ifite mu nshingano zayo Imirimo ya
Leta : ugize mama;
Ushinzwe ishami ry'umutekano mu muhanda muri Minisiteri ifite mu nshingano zayo Gutwara
Abantu n'Ibintu: Umunyamabanga.
Ingingo 146:
Komite ishobora gutumira umuntu wo mu butegetsi bwa Leta cyangwa undi wese ibona ko
yagira icyo imarira ikamugisha inama ariko ntatore.
Ingingo 147:
Komite ifite inshingano zikubiye mu ngingo ya 6 yo mu itegeko n° 34/87 ryo kuwa 17 nzeri
1987 ryerekeye imihanda n'uburyo bwo kuyigendamo.
Umutwe 2. IMIKORERE
Ingingo 148:
Iyo Komite iterana rimwe buri mezi ane kandi igatumizwa na Perezida wayo. Ishobora guterana
mu bihe bidasanzwe bisabwe n'umwe mu bayigize.
Ibyemezo bifatwa ku bwiganze busanzwe bw'amajwi, irya Perezida niryo rikemura impaka iyo
zivutse. Iyo Perezida adahari cyangwa afite impamvu imubuza kuza, asimburwa na Visiperezida.
Ingingo 149:
Ntacyo Komite ishobora kwiga ngo kigire agaciro iyo hatari nibura 2/3 by'abayigize
Komite itegura amategeko yayo y'ubutunganya-mirimo. Ayo mategeko yerekeye gutumiza
inama, ibigomba kuzigirwamo, imitunganyirize yayo, impaka n'itora.
Amategeko y'ubutunganya-mirimo ashyikirizwa Minisitiri ushinzwe Gutwara Abantu n'Ibintu
kugirango ayemere.