lois et reglements police de roulage avec amendements

Ingingo 136:
Cyitwa ikigo gishinzwe igenzura ry'imiterere y'ibinyabiziga, ikigo cyose cyemewe na Minisitiri
ushinzwe Gutwara Abantu n'lbintu kandi gikora imirimo yo gusuzuma imiterere y'ibinyabiziga.
Bene icyo kigo kigomba kuzuza ibyangombwa bigenwa n'iri teka.
Ingingo 137:
Minisitiri ushinzwe Gutwara Abantu n'lbintu atanga inyandiko yemerera ikigo gukora imirimo
y'igenzura ry'imiterere y'ibinyabiziga amaze gusuzuma ko ibigenwa byose muri iri teka
byujujwe.
Icyiciro 2. Ibisabwa mu kwemererwa
I. Ibirebana n'abakozi
Ingingo 138:
Ikigo cyose gishinzwe igenzura ry'imiterere y'ibinyabiziga kigomba kugira mu bakozi bacyo
nibura umugenzuzi umwe wujuje ibi bikurikira:
1. Umugenzuzi agomba kuba yaravanye mu mashuli yabizobereyemo ubumenyi buhagije
bw'imiterere y'ibinyabiziga.
2. Agomba kuba yarakoze nibura imyaka itanu mu byerekeranye no gukora ari umukanishi
wemewe.
3. Agomba kuba ashoboye gusuzuma ikitameze neza no guteganya ingaruka zacyo kandi
agasesengura ibitameze neza muri rusange ku binyabiziga.
4. Agomba kuba ashoboye kugaragaza mu nyandiko ku buryo busobanutse ibyo yasuzumye ku
miterere y'ikinyabiziga.
5. Agomba kuba ashoboye kuyobora no gucunga abakozi akoresha.
6. Agomba kuba yarahuguwe mu gihe cy'amezi 3 mu byerekeye igenzura ly'imiterere
y'ibinyabiziga harimo amezi 2 yakoze mu kigo gisanzwe gikora iyo mirimo.
II. Ibirebana n'ibikoresho
Ingingo 139:
Ikigo cyose gishinzwe igenzura ry'imiterere y'ibinyabiziga kigomba kugira mu bikoresho bwite
ibi bikurikira:
A. Urutonde r'ibikoresho byagenewe gusuzuma ibinyabiziga nyenganda.
Ibikoresho by'ibanze bipima n'ibyigerageza.
A.1: Umunzani wo gupima uburemere kuri buri mutambiko.
A.2: Icyuma cyagenewe gusuzuma feri.
A.3: Imashini isuzuma icyerekezo cy'ibitara bimurika cyane.