lois et reglements police de roulage avec amendements

3. Ahantu uburyo bwo kugendera mu muhanda byerekanwa n'ibimenyetso bimurika,
ibinyabiziga bishobora kuhagenda biteganye n'aho umubare wabyo utatuma biba ngombwa.
Icyiciro 2. Ibimenyetso bwamatara amyatsa.
Ingingo 107:
1. Kugirango berekane ahantu habi cyane; hakoreshwa ikimenyetso cy'itara ry'umuhondo
rimyatsa rivuga: uburengazira bwo gutambuka icyo kimenyetso barushijeho kwitonda. Iryo tara
rigomba kugaragara nijoro no ku manywa, ntacyo rihindura ku mategeko agenga uguhita mbere.
2. Iyo itara ry'umuhondo rimyatsa rikoreshejwe mu masangano y'amayira ahwanyije agaciro,
rishyirwa kuri buri nzira cyangwa hagati y'amasangano ku buryo ribonwa n'umuyobozi wese
ugiye kuyinjiramo.
3. Iyo itara ry'umuhondo rimyatsa riri ku kintu kimwe n'ibimenyetso bimurika byerekana
uburyo bwo kugendera mu muhanda, cyangwa hafi yacyo, ntirishobora kwakira rimwe na byo.
Icyiciro 3. Ibikoresho ngarura-rumuri.
Ingingo 108:
1. Imbibi ziri ku mpera z'ubwihugiko bw'abanyamaguru kandi ziri mu muhanda kimwe n'imbibi
n'ibindi bikoresho bigenewe gutuma bagenda mu muhanda nta muvundo zisigwa irangi
ry'umuhondo ngarurarumuri.
2. Amatara cyangwa ibikoresho ngarura-rumuri bikoreshwa kugirango bigaragaze inkengero
z'inzira nyabagendwa bigomba gushyirwaho ku buryo abagendera kuri iyo nkengero ihwanye
n'uburyo bwo kugendera mu muhanda babona gusa iburyo bwabo iby'ibara ritukura cyangwa
risa n'icunga rihishije naho ibumoso bwabo, iby'ibara ryera.
Umutwe 4. IBIMENYETSO BIRI MU MUHANDA
Ingingo 109:
Ibimenyetso byo mu muhanda ni ibimenyetso byashyizwe mu muhanda cyangwa ku nkengero
z'utuyira tw'abanyamaguru cyangwa inkengero zigiye hejuru ku muhanda bigenewe gutunganya
uburyo bwo kugendera mu muhanda cyangwa kuburira cyangwa se kuyobora abagendera mu
muhanda. Bishobora gukoreshwa byonyine, cyangwa biri kumwe n'ibindi bimenyetso.
Bishushanyije ku mugereka wa 6 w'iri teka.
Icyiciro 1. Ibimenyetso birombereje
Ingingo 110:
1. Ibimenyetso birombereje bigizwe n'imirongo iteganye n'umurongo ugabanya umuhanda mo
kabiri.
Bishobora kuba bigizwe na:
a) umurongo udacagaguye;
b) umurongo ucagaguye;