lois et reglements police de roulage avec amendements

Ingingo 102:
Ibyapa bitegeka bishyirwa ahantu birushijeho kubonwa neza n'abo bigenewe.
Icyiciro 3. Ibyapa biyobora.
Ingingo 103:
1. Ibyapa biyobora bigamije kuyobora no gusobanurira abagenzi b'inzira nyabagendwa
bishushanyije mu ngereka ya 4 y'iri teka.
2. Ibyapa biyobora bishyirwa ahantu haboneye kurushallo hakurikijwe uko icyo byerekana
kimeze.
Umutwe 3. IBIMENYETSO BIMURIKA
Icyiciro 1. Ibimenyetso bimurika byerekana uko bagenda mu muhanda.
Ingingo 104:
1. Amatara y'ibirnenyetso bimurika mu buryo bw'amatara atatu asobanuye atya:
a) Itara ritukura rivuga : birabujijwe kurenga icyo kimenyetso
b) itara ry'umuhondo: birabujijwe gutambuka umurongo wo guhagarara umwanya muto,
cyangwa igihe uwo murongo werekana udahari icyo kimenyetso ubwacyo, keretse igihe ryatse
umuyobozi akiri hafi cyane ku buryo yaba atagishobora guhagarara mu buryo butamuteza
ibyago; nyamara iyo ikimenyetso kiri mu masangangano umuyobozi arenze umurongo wo
guhagarara cyangwa ikimenyetso muri ubwo buryo, ashobora kwambukiranya amasangano
gusa ari uko atateza abandi ibyago;
c) itara ry'icyatsi rivuga: uburenganzira bwo kurenga icyo kimenyetso.
2. Itara ritukura, itara ry'umuhondo ritamyatsa n'iry'icyatsi kibisi, ashobora gusimburwa uko
akurikirana na kamwe cyangwa uturangacyerekezo tw'ibara ritukura, iry'umuhondo cyangwa
icyatsi kibisi.
Utwo turangacyerekezo dusobanura kimwe n'amatara ariko icyo tubuza cyangwa icyo dutangira
uburenganzira kigarukira ku byerekezo byerekanwa n'utwo turangacyerekezo.
3. Iyo itara rimwe cyangwa menshi y'inyongera agaragazwa n'akarangacyerekezo kamwe
cyangwa twinshi ducaniwe rimwe n'itara ritukura cyangwa ry'umuhondo, uturangacyerekezo
tuvuga uburenganzira bwo gukomeza urugendo gusa mu byerekezo byerekanwa n'utwo
turangacyerekezo upfa kureka abandi bayobozi bakurikije amategeko kimwe n'abanyamaguru
bagahita.
4. Iyo mu itara harimo ishusho y'umunyamaguru imuritswe cyangwa y'igare ibyo bireba gusa
abanyamaguru cyangwa abayobozi b'amagare n'aba velomoteri y'imitende ibiri.
5. Amatara atukura n'ay'icyatsi kibisi y'ibimenyetso bimulika by'amabara abiri bisobanura
kimwe n'amatara ahuje n'ayaka ku buryo butatu. Iyo yakiye rimwe asobanura kimwe n'itara
ry'umuhondo mu buryo bwakamo amatara atatu.
Ibimenyetso bimulika mu buryo bw'amatara abiri bishyirirwaho nk'abanyamaguru; muli icyo
gihe, itara ritukura n'iry'icyatsi kibisi asobanura uko akurikiranye ko bibujijwe n'uko byemewe
kwinjira mu muhanda, urugero: kutangira kwemererwa kwerekanwa n'uko itara ry'icyatsi kibisi
rimyatsa.