lois et reglements police de roulage avec amendements

3. Iyo umukumbi ugizwe n'amatungo maremare arenze ane cyangwa amatungo magufi arenze
atandatu ugaragazwa: n'itara ry'urumuri ryera cyangwa umuhondo ritwawe imbere y'umukumbi,
n'itara ry'urumuri rutukura ritwawe inyuma y'uwo mukumbi.
Umutwe 8. ANDI MATEGEKO
Icyiciro 1. Amahoni
Ingingo 83:
1. Ibinyabiziga bigiye kuvugwa bigomba kuba bifite ibikoresho by' ihoni byumvikanira:
- ku ntera ya metero 100 ku binyabiziga bigendeshwa na moteri, iyo ntera igashobora kungana
na metero 50, iyo umuvuduko w'ibinyabiziga bidapakiye udashobora kurenga kilometero 50 mu
isaha ahategamye;
- ku ntera ya metero 20 kuri velomoteri.
Amahoni y'ibinyabiziga bigendeshwa na moteri agomba kwohereza ijwi ry'injyana imwe,
rikomeza kandi ridacengera amatwi.
2. Ibinyabiziga ndakumirwa kimwe n'ibinyabiziga bikora ku mihanda, bishobora kugira ihoni
ridasanzwe ridahuye n'ibiteganywa muri iki gika, uretse ihoni riteganywa mu gika cya mbere.
Icyiciro 2. Uturebanyuma
Ingingo 84:
Ikinyabiziga cyose kigendeshwa na moteri kigomba kugira nibura akarebanyuma kamwe gateye
ku buryo umuyobozi uri ku ntebe ashobora kugenzura ibigendera mu muhanda inyuma
n'ibumoso bw'ikinyabiziga nko kubona ikindi kinyabiziga cyatangiye kumunyuraho ibumoso.
Ni nako bitegetswe ku kinyabiziga gikururwa n'inyamaswa gifite akazu k'umuyobozi,
Iyo imiterere y'ikinyabiziga cyangwa ibyo cyikoreye bidatuma akarebanyuma kari mu kazu
k'ikinyabiziga gashobora gukora neza umurimo kagenewe, uturebanyuma tugomba gushyirwa
kuri buri rubavu rw'ikinyabiziga.
Icyiciro 3. Ikirahuri gihagarika umuyaga; ibirahuri; agahanagura-kirahuri
Ingingo 85:
1. Ku kinyabiziga cyose no kuri buri romoruki:
a) Ibintu bibonerana bigize igice cy'inyuma cy'ikinyabiziga habariwemo ikirahuri gihagarika
umuyaga cyangwa ibigize ikibambasi cy'imbere, bigomba kuba bikoze ku buryo iyo bimenetse,
ibyago byo gukomereka byagabanuka uko bishoboka kwose;
b) Ibirahure byo guhagarika umuyaga bigomba kuba bikozwe mu bintu bibonerana bidacuya
kandi bikaba bikozwe ku buryo bidahindura isura y'ibireberwamo kandi mu gihe bimenetse,
umuyobozi agakomeza kubona bihagije inzira nyabagendwa.
2. lkinyabiziga cyose kigendeshwa na moteri gifite igihagarika-muyaga, uretse amapikipiki,
kigomba kugira nibura agahanagura-kirahuri kamwe, ku buryo mu kugakoresha bidasaba