Zbornik Mednarodnega literarnega srečanja Vilenica 2004 - Ljudmila

Mae’r cyfrifiadur hefyd yn fardd
Caewn y drws. Boddwn bob swn. Mae hon yn ddefod. Agorwn gaead pistyll
y trydan.
Sgwrsiwn.
Dyma ymddiddan trwy wydr. Dyma ymgom mewn geiriau bach neon byw,
pryfed tân yng ngardd ffurfiol y sgrîn, heb ddim o gyffwrdd amrwd ansicr
yr un llaw ar ddarfodedig dudalen.
Sgwrsiwn.
Nid yw’r cyfrifiadur yma’n fawr gwahanol i’r rheini all reoli calonnau a
gweithio gwyddorau bywyd.
Ac nid yw’r cyfrifiadur, yn ei wefrau a’i olau, fawr ddim yn wahanol
i wefrau a golau fy nghalon i.
Sgwrsiwn.
Rydym mewn gwlad dramor. Dysgaf fy iaith iddo.
A daw atebion pefr, fel petai o du arall Ewrop, yn gwifreiddio yn wefr a
golau i gyd. Dim ond y cyfrifiadur a fi sy’n deall.
Sgwrsiwn.
Mererid Puw Davies
A’m hiaith fy hun, fy nhestun cyfarwydd: fe’u gwelaf yn newid eu gwedd -
yn arwyneb arian, yn flodeuged amryliw, yn orymdaith syfrdanol, yn
llateion llachar, yn ddisgleiriach na dim a welwyd erioed.
Sgwrsiwn. Mae’r cyfrifiadur yn fardd.
443