Deutschenspiegel 1274/1275 (Ficker 1859) - Koeblergerhard.de

- 97-
chomen. vnd ist iener nicht engagen. der in ze aecht hat
gevrumet der richter mag in mit recht nimmer auz der
aecht lazzen. als vmb ein ander schulde daz ehumt von
der grozzen vraeuel die er begie do er vor gerichtes waz.
vnd nicht antwurten wolte vnd auch von der grozzen
smaehe die er gegen dem gerichte getan hat. vnd choment
si paide für den richter. vnd pittet iener daz man in auz
der aecht lazze ist daz er pürgen setzet als reht ist man
sol in auz der aecht lazzen. vnd er sol dem chlager zehant
reht pieten. vnd enprist er dem chlager. er ist dem richter
'des aechtschatzes schul|dich. daz ist alles da von. daz er
vor gerichtes waz vnd nicht antwurten wolte. Wil er auslaugen
daz er da niht enwaere des sol er in vberzeugen
selb dritte die in da gesehen habent.
um man au? bcr acrfjtc djomcn sol.
»wer sich auz der aecht ziehen wil der sol vngevangen 108.
für chomen. vnd an purgschaft vnd sol dem Richter piirgen
setzen vmb des chlagers recht, vnd vmb sein reht vnd sol
in danne auz der aeht lan. vnd sol er denne vride swern.
ob ein vride gesworn ist. Vnd ist dhain vride gesworn.
er sol den gotes vride swern. daz ist da von gesetzet, do
man in in die aecht tet do nam man in auz dem vride.
vnd chunt in in die aecht, vnd ist ditz auf einem lantgerichte.
der Richter sol dem mann cepieten. daz er chom
zu den drin lanttaidingen. ob iemen da welle chlagen. daz
er dem da antwurte. Vnd chümt er zu drin taidingen.
vnd sprichet in niemen an er ist ledich von allen den die
in in die aechte heten getan, ez ensei daz in ehaft not
im>. vmb die ehaft not sullen die chlager dhainen poten
senden für gericht der für siv berede ehaft not. Wan
swenn die chlager choment so müz er in richten si sullen
1 auch vor dem Richter ehaft not | bereden, vnd ist iener
da nicht ze gagen. der Richter sul im haizzen für gepieten
dreistunt als von erste. Nach disem reht sullen die stete
in dem selben recht richten die sache.
Fickcr, Spiegel etc.
'