Deutschenspiegel 1274/1275 (Ficker 1859) - Koeblergerhard.de

, *7
iar vnd für Joseph in daz lant vnd chauft alles des chornes
daz fümftail daz dem manne wart vnd sie wolten ims mer
han gegeben vnd er enwoltes nie mer. do die siben guten
iar auz chomen do chomen dev siben vbeln iar. vnd wart
niht ertwüchers vnd starp vil levte hungers. vnd all die chornes
bedorften die müsten in egippenlant. die schuf der chunig
all an Joseben, daz er in ze chauffen gäbe, do iacob
horte daz chorn in egyppe waz er sprach zu seinen sünen
war vmbe säumt ir vns vart in egyppenlant chauffet vns
chorn daz wir icht hungers sterben vnd nemet golt silbers
genüch mit ew. der prüder füren zehen mit ein ander vnd
liezzen im iungisten prüder da haime der hiez Beniiamin.
si chomen in egippenlant vnd chomen in die stat da
Joseph inne waz man weiste sev an Joseben der solt in
Hi> chorn ge,ben ze chauffen si chomen für Joseben vnd als
si in an sahen si vielen an irev chnie vnd petten in an.
Joseph erchant si wol vnd erchanden si sein niht. er
vragte von wann si chomen waern. si sprachen von chanaan
vnd sein her chomen vnd welln speiz chauffen er sprach
ir seit spehaer si sprachen herre niht wir sein her chomen
vnd wellen speiz chauffen. wir sein dein chnechte vnd
dein dienaer vnd sein alle eines mannes chint. vnd haben
noch einen iungen prüder da liaim bei vnserm vater.
Joseph sprach daz ier mir bewaert vnd var iwer ainer
hin haim nach ewern iungen prüder oder ich han euch
für speher. vnd er hiez si legen in den charcher vnd hiez
ir vbel phlegen. an dem vierden tage hiez er si her auz
nemeu vnd hiez sei für sich füren vnd sprach ich furcht
got ich wil ew paz tun lat ewern prüder einen hie in dem
charcher vnd wart hin haim vnd bringet ewcrm vater
speise vnd ewcrm gesinde daz si geleben mugen. "an
nam den ainen vnd pandcn vnd warf in in den charcher
der hiez symeon der belaib da. si füren heim vnd do si
vnderwegen warn do sprach Rubein wir haben vil vngehiches
auf dirr vart gehabt, wir sein in charchern gelegen,
vnd müsten vnsern prüder hinder vns gevangen
Hü • lazzen. vnd leiden daz | pilleich wan wir haben gesundet