Deutschenspiegel 1274/1275 (Ficker 1859) - Koeblergerhard.de

vmb warn im sein prüder gehaz. Joseph läge eines nachtes
an seinem pette. vnd träumt im wie er. vnd seine prüder
all auf einem akcher stünden vnd funden gesnitens chorn
da vnd vant igleicher ein garbe vnd satzten se für sich
auf daz ertreiche vnd sprachen also. Wir sulln besehen
wez garbe dev beste si. Die ainleft garben vielen für die
zwelften vnd paten si an. Po träumt iosephen dar nach
ein ander träum, wie er vor seines vater hauz stünde,
vnd sach an den hymel. vnd sähe sunn vnd manen bei
ein ander stan. vnd einlef schone stern neben im stan.
Dev sunne vnd der mane vnd die ainlef stern. die naigten
i» sich von hymel herabe vnd paten | iosepen an. jDise zwen
traüme seit er seinem vater vnd seinen prüdem, der vater
straphet in vor seinen prüdem wan er weste wol daz in
die brüder hasten, do sprach der vater ich wil dir den
träum beschaiden. die ainlef garben daz sint dein ainlef
prüder die werdent dich an pettent. di sunn vnd der mane
daz pin ich vnd dein müter. die ainlef stern daz sint dein
prüder, wir werden mit ein ander dich an petten recht
durch hungers not. Dar nach hasten in dia prüder immer
me. vnd rieten auf seinen leib. Paz chom eines tages
also, daz in sein vater hiez gan zu seinen prüdem vnd
besaehe waz si taeten. er chom zu in vnd si lieffen in
an. vnd wolten in erslagen haben, vnd sprachen also.
Seht wa der traumer hergat. nu besehen waz im sein
travme frume sein, do waz ein prüder vnder in der hiez
rubein der sprach also, lat stan lieb prüder, slahent
ewern prüder niht. dort stat ein zistern in der wüste da
werfet in ein vnd behalt ewer hende vnschuldige an ewerm
prüder, si namen iosepen vnd zugen im seinen rok abe.
vnd würfen in in die zistern da waz niht wazzers inne.
2
i * dar nach sazzen si | vnd trunken und azzen. vnd warn
fro. Po mit chomen chauflevt von ismahele vnd fürten
grossen chaufschatz vnd wolten den füren in egvppenlande.
Der prüder einer hiez iudas der gie zu den chaufleuten
vnd vragte von wanne si warn vnd wellend si wollten,
si antwurten wir sein ysmahelyte vnd welln gegen egypten.