Deutschenspiegel 1274/1275 (Ficker 1859) - Koeblergerhard.de

— 13 —
gut. Daz ervorcht moyses vnd daz israhelisch volche
vnd sungen got ein lob daz sprichet also. Cantemus domino
gloriose. Ditz gesanch vindet man in dem salter.
Moyses vnd sein laevte vuren fürpaz vnd chomen in dhain
lande si gesigten den laevten ane. vnd namen in dem
lande swaz si wolten. Do nachten si in einem lande daz
hiez Mo ab. da waz ein chunich inne der hiez balat der
entsaz die levte. wan er hete wol gehört daz si eile dev
lande betwungen heten da si durh vuren. vnd sant nach
seinen weisen rate vnd sprach also ditz volk wirt vns
vertiligent also der ochse daz chravt abe izzet vntz an
die wurtze. do sprach sein weiser rat du hast einen
weisen rat in deinem lande der heizzet balan. sein vater
hiez beor. vnd ist also heilich swen er verfluchet der
ist verfluchet, vnd swen er segent der ist gesegent. der
"'' chunich sante sein poten zu balam. vnd sante im | sein
chlainode vnd laeten im füre war vmbe si der chunich dar
gesant hete. Balam sprach also seit heint hie waz mein
gote mit mir rede, got sprach zu im in der nacht, du
solt mein laevt niht verfluchen wan si sint mir gesegent
balaam stünt des morgens auf. vnd sprach got hat im
gewert daz er zu dem chunige niht enchome. die poten
chomen wider vnd prachten des weissagen niht. daz waz
dem chunige lait. Dar nach sante der chunich mer 'poten
vnd erbaer vnd reicher poten danne u. vnd sante im grozz
gut vnd vil mer chlainodes danne da vor. vnd enpot im
daz er daz von im naeme vnd chome vnd er wolt im vil
nie geben, dann er im gesant hete. vnd daz volkch verflucht
balaam. vnd sprach also vnd geit der chunich
balaac sein hauz volles goldes ich mag niht gewandeln
vnsers Herren wort. Jch pitt euch aber heint hie sein.
Do sprach got zu im stand auf vnd var mit in. vnd
swaz ich dir gepiet daz tu vnd anders niht. des morgens
satelot man seinen esel vnd für mit in do weste got wol
daz er mere durch gotes gepot. vnd erzürnet got. Hot
er dannoch got gevolget so het er gotes hulde behalten,
do tet got durch seinen willen nie der worten. daz er