Deutschenspiegel 1274/1275 (Ficker 1859) - Koeblergerhard.de

— 25 —
losaphat der waz sein veint vnd wider pot dem cliunige
achab vnd beraitte sich mit einem grozzen liere vnd für
in sein lant. daz waz vber drew iar dar nach do er dev
vbeln dinch getet nu ist got immer genaedich vnd gut
der paitt dem cliunige dar vmbe also lange ob er wider
wolt sein chomen so het er in enphangen. do für naboth
xi 2 gen im | auf ein velt vnd striten mit einander, da wurden
die gotes wort war. er wart durch seinen leib geschozzen
also vaste daz alles daz in im waz wol halbes auz seinem
leibe viel, er wart flüchtich vnd alle die seinen, er hiez
sich die seinen auf einen wagen legen vnd hiez sich füren
gen seiner stat. do er an die stat chom. da naboth verstainet
wart vnd sein plüt vnschuldichleichen vergozzen
wart, da erstarb der chunich in der selben zeit, do
chomen die veinde in die stat. vnd die den wagen fürten
die entrannen da von vnd liezzen den herren vnd den
wagen an der selben stat stan. da der arme gestaint
wart, ze den selben zeiten do starp der chunich auf dem
wagen do chomen die veinde in die stat vnd chomen zu
dem wagen vnd fürten die ros vnd den wagen hin. da
lag er chunich als er an dem armen gedient hete. Da vrazzen
in die hunde vnd die vogel vnd riten die veinde
in die stat vnd erslügen alles daz volkche daz in
der stat waz vnd funden die clmniginn in dem Weingarten
den si dem mann mit vnrecht het an gewunnen. si wart
erslagen die hunde azzen ir az. daz het si wol gedient
an dem armen mann vnd an seinem weibe. vnd an seinen
*»' 3 chinden die nach dem almüsen giengen. da wur|den dev
gotes wort war. iVu schüllen die vrawen niht zürn daz
man von der vntat also vil gesprochen hat die dev vrowe
begie an dem armen man. Hir lesen von eva dev waz
daz erste weib die got ie gemachet, dev Avart vngehorsam
vnd verirret adainen im man daz er den aphel mit ir az.
dev vraw tet auch vbel. Swaz eva nu vbels ie getet daz
hat versünet maria gotes müter vnd hat allen weihen ir
lobe wider gewunnen. da von süllen die vrowen bezzer
sein dann die man davon setzen wir die clmniginn.