Deutschenspiegel 1274/1275 (Ficker 1859) - Koeblergerhard.de

— 24 —
füren vnd haizzet in stainen. vntz daz er sterbe, ditz
x * gepot der chunieh daz | geschach die von der stat enputen
dem chunige naboth waer tot. dev chuniginne gie zu dem
chunige vnd seit im daz naboth verstainet waer. Si sprach
nu wiz vro gincli in deinen Weingarten vnd des er dir niht
vmbe gut wolt geben daz habe dir vmbe sünst. er sprach
awe vrawe süllen wir got nicht fürchten vmbe disen tot.
dev frawe sprach herre sweig stille, e. du tot waerest ez
ist pezzer daz sein tausent tot waern. der chunieh stünt
auf vnd nam die chuniginn bei der hant vnd fürt si in den
Weingarten vnd vnder wunden sich sein als er ir aygen
waere. er tet mer vbels do dev witwe den Weingarten
niht gütleich wolt lazzen do nam er irn vnd ir chinden
alles ir gut vnd müsten si des almüsen piten da begiench
er drev vblev dinch mit einander, er prach sein triwe an
seinen mann, er begie die manslaht er begie den walraub
an dem weibe vnd an chinden. des verloz er vnd sein
weib gotes lmlde. Bei den Zeiten waz ein weissag hiez
helyas der waz ein heilich man mit dem redet got also,
stant auf helyas vnd ginch zu dem chunig achab von israhel
vnd sprich also, du hast erslagen naboth. vnd
xi l hast im seinen Weingarten genomen vnd hast | der witwen
und den waisen ir gut genomen dar vmbe sol dir geschehen
als got sprichet da die hunt nabotz blüt lekchent
an der selben stat swie gewaltich chunieh du seist, lekchent
die hunde dein plüt vnd du nimst einen laesterleichen
tot danne er. wan dein leib vnd dein sele dev sint paidev
verlorn vnd sage dem chunige nie sein weib dev chuniginne
vrezzent die hunde auf dem selben acher vnd in dem
selben Weingarten den si dem armen man vmb den chunieh
verriet, vnd du chunieh dein az ist niht wirdich daz
ez der erden ze tail werde, ez süllen die hünde vnd die
vogel vrezzen nu sich wie gewaltich got sei. er wil niht
daz ditz indert geschehe wan in dein selbes stat die du
gepawen hast. Swaz got redet mit helyas daz seit er
dem chunige. dem chunig waz laide vnd gelaubt doch
dem Weissagen niht. Bei den Zeiten waz ein chunieh hiez