Deutschenspiegel 1274/1275 (Ficker 1859) - Koeblergerhard.de

— 155 —
Ss. Ihr.
gewern hat. als auch wol sein man. Jfflag aber der
obriste herre gezeug han. daz sein man daz im auf gelazzen
habe oder in mit rechte vertailt sei. iener der die
gewer dar an hat. müz daz gut für stan.
£vwenne seinem herren ein man gutes versaget, vnd ez § 4.
^*im niht seit vor seinen mannen, daz er von im zelelien
hat. daz gut sol dem herren ledich sein, hat er ez aber
verlihen vnd vnderwindet sichs der obrist herre. der man
der daz gut in gewer hat. der sol seinen herren mitvrtaile
manen daz er sein gut für sta. vnd des obristen herre an
spräche auf lege mit rechte, daz sol er tun mit rechte.
inner sechs wochen. weigert der herre daz zetün wider
rechte der man volge an den obristen herren seinem gute
vnd Verliese da mit niht. ob ez sein herre dar behalte.
Ob ein herre seines mannes gutes versagt vor dem obristen 15, § i.
herren oder ez niht benennet swenne er daz enpliahet vnd
ers durch rechte benennen sol. der man volge seinem
lehen an den obristen herren in seinen rechten gedingen.
Der herre mag sich versprechen | vnd versweigen an seinem
rechte. Swenn der man dem obristen herren volget mit § 2.
seinem gute vnd der lehenunge. oder der weisunge. an in
gert. er ist phlichtich dem herren daz gut ze benemen
vnd den herren von dem er daz gehabet habe, wil in der § 3.
herre auch weisen iener sol die weisunge behalten mit
gezeuge gegen dem herren mit seiner manne rechte, daz
er an im so gevolget habe, als er im durch recht vorsehen
sulle. gezeuget er daz gegen dem obristen herren. so
endarf er dhaines gezeuges gegen dem herren dar man in
Aveiset.
ieman endarf ander waide enphahen gut. daz im sein 16.
Jierre gelihen hat. ob ers auf in geit oder verchauffet.
vnd aver wider enpliahet ern darbe der gewer dar an.
sechs wochen vnd ein iar.
^welhes mannes gut der herre enwech leihet in seiner 17.
k^gagenwurte dez daz gut ist. an des mannes rechte,
wider spräche nach rechte enmag er mer an dem gute
bereden des lehen ez e waz.