Deutschenspiegel 1274/1275 (Ficker 1859) - Koeblergerhard.de

3
an vnserm prüder vnd seinen leib den wir verchauften.
wir taten laesterleich an im er stünt naket vor vns vnd
weinot vnd erparmt wir vns niht vber in. da von erparmt
auch sich got vber vns niht si chomen hin haim zu ir
vater. vnd punden ir sekche auf vnd funden ir gut dar
inne daz si vmbe chorn geben heten vnd der vater erschracht
vnd si mit im vnd heten ez für einen grozzen
vngemach. do sprach der vater swer ew ditz silber vnd
ditz golt in hat gestozzen. der hat ew daz ze vngemach
getan, der vater vragt die süne wa sein sun
symeon waer. si' sprachen wir müsten in dem herren da
lau vntz wir vnsern prüder ueniamin dar braehten. der
vater sprach nu han ich Josebs niht mere nu leit symeon
in dem charcher nu weit ir mich beniamins anen vnd weit
mich toten, e. meines ziles nu wuchs der hunger vaste in
dem lande, vnd gab got ertwüchers niht nu sprach der
vater zu den Sünen. vart nach chorn oder wir sterben,
si sprachen wir enchomen ninder wir füren dann Beniamin
mit vns. oder man geit vns niht chornes vnd sleuzzet vns
in den charcher. der vater sprach ich wil niht hungers sterben
noch wil auch niht daz meinev chint vnd mein gesinde
Hü 1 hungers sterben, vnd pringet | hin wider zwir als vil
gutes als er ew in die sekche stiezz vnd habet im damit
gebuezzet. paz hat got dar vmbe gesprochen, swer dem
andern sein gut stilt oder raubet oder ze vnrechter weise
ab nimt der sol im zwivaltichleich gelten, vnd ist dem
gerichte schuldich seines leibesden lose er als lieb er im sei.
Es waer niht ein rechter got der daz gesetzet bete, daz
man im newer wider gaebe daz man im naeme. so mochte
man maenichleich vnrehte tun. Aver daz ewangeliuni
sprichet man sull viervaltichleich gelten, daz tet Zacheus.
Die Süne namen vrlaub von ir vater. Jacob der vater
w.iinte sere vnd waz vnvro dar vmbe daz er an chint belaib.
si chomen in egyptenlant vnd chomen für ioseben
als Joseph ersach den iungisten prüder er wart vro vnd
sprach ze seines hauses Phleger füre mirs hin haim vnd
berait mir ein grozze Wirtschaft, si sülln heute mit mir