Deutschenspiegel 1274/1275 (Ficker 1859) - Koeblergerhard.de

— 3 —
er gie hin wider zu seinen prüdem vnd sprach also, waz
frumet vns daz wir vnsern prüder slahen vnd sein plüt
auzgiezzen. ez ist pesser daz man in den chauflaüten ze
chauffen geben so beliben vnser hende vnbewollen mit
seinem blute, er ist vnser plüt. vnd vnser vlaisch vnd ist
wider got. si volten dem brüder vnd namen in auz der
zistern vnd brachten in den chaufleuten vnd gaben in vmbe
zwaintzich silbrein pfennig vnd fürten in in egyppenland.
Pie brüder slügen ein tyer vnd bewullen seinen rok in dem
plüte vnd trügen in für im vater vnd sprachen besieh ob
daz deines sunes rok sei iosephes. er sprach er waz sein,
ui sprachen in hat ein tier vrezzen. der vater sprach daz
"' waz ein vbel tier. |
ipie chauflaeute prachten iosephen in egippen. vnd
gaben in ze chauffen Butiphar der waz maister vber die
Ritter des chuniges pharaonis. der gab ze einer gäbe dem
chunig pharaone. Joseph waz daz schöniste mensch daz
bei den Zeiten lebte vnd got waz mit ime. nu wart er
dem chunige also lieb, daz er im sein chamer enphalch.
vnd alles das dar zu gehorte, daz tailt er mit seiner
hant. er tet ez also gütleiche daz im der chunich holt
wart vnd alles sein gesinde. er ver tet ez an seinem
nütz niht wan ze seiner rechten notturft. Paz chom
also daz im dev chuniginn holt wart daz si in pat
daz er bei ir slief er versaitz ir also vnd spracli nu en
well got daz ich ditz vbel tu. mein herre hat mir enpholhen
alle di ere vnd alles daz gut daz in seinem
hause ist an dich ainew. da von so sol ich nimmer
vbel getün an meinen herrn. dar nach hazzet dev chuniginne
immer mer iosephen. vnd trachtet wie er bei ir
gelaege oder si im den leib genaem.
Paz fügt sich also eines tages daz ioseph in das hauz
gie da si inne waz. si ruft im dar. er gie zu ir si sprach
slaf mit mir. er verzehe sei. vnd sprach also daz der
" ' leib verlorn wirt. danne leib vnd | sele mit ein ander,
si viel in an vnd ergraif in bei dem mantel vnd ruft leuten.