bübi̇yna ömürzakovna oruzbayeva'nin akademi̇k hayati ve ...

лауреаты, Түркия Республикасынын «Тürk Dil Kurumu»
коомунун чет өлкөлүк корреспондент-мүчөсү.
Б. Ө. Орузбаева Каракол шаарында жети жылдык
мектепти бүтүргөндөн кийин, ошол эле шаардагы
М.Горький атындагы педагогика окуу жайын 1940-жылы
жана мугалимдер институтун 1942-жылы бүтүрөт.
1945-жылы Фрунзедеги Кыргыз мамлекеттик
педагогикалык институтуна тапшырат. Бул окуу жайдын кыргыз
тили жана адабият факультетин бүтүрүп, СССР Илимдер
академиясынын Кыргыз филиалынын аспирантурасында окуп,
Москвада Орус илимдер академиясынын түркология бөлүмүндө
«Кыргыз тилиндеги өткөн чактын формасы» деген темада
кандидаттык диссертациясын ийгиликтүү коргоп, филология
илимдеринин кандидаты илимий даражасын алат (1952).
1951-1976-жылдары Кыргыз Республикасынын улуттук
илимдер академиясынын Тил жана адабият институтунда кенже
илимий кызматкер, сектор башчысы, директор, ал эми 1971-
1987-жылдары Кыргыз энциклопедиясынын башкы редактору
болуп эмгектенет.
1964-жылы Казак Илимдер академиясынын Тил илими
институтунда «Азыркы кыргыз тилинде сөздөрдүн жасалышы»
деген темада К.К.Юдахиндин жетекчилиги астында докторлук
диссертациясын коргоду. 1967-жылы ага «профессор» деген
илимий наам ыйгарылды. 1974-жылы Б. Ө. Орузбаева Улуттук
илимдер академиясынын корреспондент-мүчөсү, 1980-жылы
академик болуп шайланды.