bübi̇yna ömürzakovna oruzbayeva'nin akademi̇k hayati ve ...

Жогорку окуу жайларынын «Кыргыз тилинин окуу
программасында» кыйла бөлүк кыргыз тилинин морфологиясына
бөлүнүп, үч семестр же бир жарым жыл (162 саат) окутулат.
Жогорку окуу жайларындагы морфология курсу өтө жооптуу,
ары татаал курстардын бири. Морфологиянын объектисине
кирген кыйла маселелерди, проблемаларды биздин юбиляр
профессор Бүбүйна Өмурзаковна иштеп чыгып, жогорку окуу
жайларынын студенттерине кыйладан бери сунуш кылып
келүүдө. Ошондуктан эжени сансыз эмгектеринин негизинде аны
морфолог деп атоого да негиз бар. Анын үстүнө ал «Кыргыз
адабий тилинин грамматикасын (морфологиясын)» түзгөн
авторлордун бири.
Б. Ө. Орузбаеванын алгачкы эмгектеринин бири этиш сөз
түркүмүнө, анын грамматикалык категорияларынын бири болгон
«өткөн чакка» арналып, «Кыргыз тилиндеги этиштин өткөн
чагынын формалары» деген темада диссертация жазып, аны
1952-жылы Москвадагы СССР илимдер академиясынын Тил
таануу институтунда ийгиликтүү коргойт. Коргоп келери менен
бизге, Кыргыз мамлекеттик педагогикалык институтунун 3 -
курсунун студенттерине аталган темада атайын курс окуй
баштайт. Жаш окумуштуунун, лектордун жаңыдан окуй
баштаган атайын курсу, жогорку курстун студенттерин аябай
кызыктырып талашууларды жаратар эле.
Бүгүнкү күндө библиографиялык сейректикке учурап,
жоголуп кетип бара жаткан окуу китептеринин бири - «Кыргыз
адабий тилинин грамматикасы» (1980) аттуу окуу китеп.
Улуттук университетте азыркы кундө 20 чакты гана китеп
калды. Буга да профессордун «Сөз жасоонун ыкмалары», «Зат