bübi̇yna ömürzakovna oruzbayeva'nin akademi̇k hayati ve ...

«Фрунзе шаары — Кыргыз ССРинин борбору», «Советтик
энциклопедиялык сөздүк» деген эмгектерди жарыкка чыгарды.
Кийинки мезгилде Б. Ө. Орузбаеваны кыргыз
ономастикасынын маселелери кызыктырып, бул багытта
«Манас» эпосундагы этнонимдер жөнүндө, «Кыргыз-монгол
лексикасындагы лексикалык параллель жөнүндө», «Кашкарлык
Махмуддун сөздүгү - кыргыз тилинин лексикасын иликтөөнүн
булагы», «Сиздин балаңыздын аты», «Манас» эпосундагы
энчилүү аттар жөнүндө», «Манас» кыргыз тилинин лексикасын
тарыхый планда иликтөөнүн булагы» ж.б. макалаларын
жарыялады.
Б. Ө. Орузбаева кыргыз тилинин актуалдуу проблемаларын
иликтөө менен катар, кыргыз тилине мамлекеттик статус берүү
жөнүндөгү мыйзамды иштөөгө да активдуу катышкан.
Б. Ө. Орузбаева илимий-изилдөө иштери менен катар
болочок адистерди даярдоого да активдүү катышып, жогорку
окуу жайларынын студенттерине атайын курс, тил илимине
киришүү боюнча лекция окуду. Илимдин ондогон
кандидаттарын, докторлорун даярдап чыгарды. Тил илими
институтунун алдындагы кыргыз тили боюнча докторлук
(кандидаттык) диссертацияларды кабыл алуучу адистештирилген
кеңештин төрагасы. Көптөгөн журналдын «Советтик
түркология», «Илимдер академиясынын кабарлары»,
«Кыргызстан аялдары» редколлегиясынын, СССР Илимдер
академиясынын Тил, адабият бөлүмүнүн алдындагы түркология
комитетинин, Тил илими институтунун илимий кеңешинин
мүчөсү болгон.