Literaturgeschichte 750-1500

111
die dienden wider einander
enwette unde enwiderstrît.
Daz gesinde diende zaller zît
ir ôren unde ir sinne.
Ir hôchzît was diu minne,
ir fröuden übergulde,
diu brâhte in durch ir hulde
des tages tûsent stunden
Artûses tavelrunden
und al ir massenîe dar.
Waz solte in bezzer lîpnar
ze muote oder ze lîbe?
Dâ was doch man bî wîbe,
sô was ouch wîp bî manne:
wes bedorften si danne?
Si hæten, daz si solten,
und wâren, dâ si wolten.
Nu trîbent aber genuoge
ir mær und ir unfuoge,
des ich doch niht gevolgen wil:
si jehent, ze sus getânem spil
dâ hœre ouch ander spîse zuo.
Dane weiz ich rehte, weder ez tuo.
Des dunket mich genuoc hier an.
Ist aber anders ieman,
der bezzeren lîprât
an disem lebene erkunnet hât,
der jehe, als er’z erkenne;
Ich treip ouch eteswenne
alsus getâne lebesite:
dô dûhte es mich genuoc dermite.
Nune sol iuch niht verdriezen,
ir enlât iu daz entsliezen,
durch welher slahte meine
diu fossiur’ in dem steine
betihtet wære, also si was.
Si was, als ich iezuo dâ las,
sinewel, wît, hôch unde ûfreht,
snêwîz, alumbe eben und sleht.
Diu sinewelle binnen
daz ist einvalte an minnen:
einvalte zimet der minne wol,
diu âne winkel wesen sol.
Der winkel, der an minnen ist,
daz ist âkust unde list.
Diu wîte deist der minnen kraft,
wan ir kraft ist unendehaft.
Diu hôhe deist der hôhe muot,
der sich ûf in die wolken tuot;
dem ist ouch nihtes ze vil,
die wîle er sich gehaben wil
hinûf, dâ sich der tugende gôz
ze samene welbet an ein slôz.
So gevælet ouch daz niemer,
die tugende die ensîn iemer
gesteinet unde gewieret,
mit lobe alsô gezieret,
daz wir, die nidere sîn gemuot,
der muot sich allez nider tuot
und an dem esterîche swebet,
der weder swebet noch enklebet:
wir kapfen allez wider berc
und schouwen obene an daz werc,
daz an ir tugenden dâ stât,
daz von ir lobe her nider gât,
die ob uns in den wolken swebent
und uns ir schîn her nider gebent:
die kapfent wir ze wunder an.
Hie wahsent uns die vedern van,
die dienten
im Wettstreit mit einander.
Dieses Gesinde diente beständig
ihren Ohren und ihren Sinnen.
Ihr Fest war die Liebe,
die höchste (‚Vergoldung‘) ihrer Freuden,
die war ihnen gnädig und brachte ihnen
tausendmal täglich
Ersatz für die Tafelrunde von Artus
und seinen ganzen Hof dorthin.
Was für eine bessere Nahrung
könnten Geist oder Körper brauchen?
Da war doch ein Mann bei der Frau
und auch eine Frau beim Mann:
was brauchten sie sonst noch?
Sie hatten, was sie brauchten
und waren, wo sie wollten.
Nun argumentieren aber manche
ungehörig
und wie ich es ablehne:
sie sagen, zu diesem Vergnügen
braucht man auch andere Nahrung.
Das glaube ich nicht recht.
Ich glaube, sie haben genug damit.
Wenn aber jemand
bessere Nahrung
bei einem solchen Leben kennengelernt hat,
der berichte seine Erfahrung (jehen ‚sagen‘).
Ich habe auch irgendwann einmal
auf diese Art gelebt.
Da hatte ich damit genug und bedurfte sonst nichts.
Nun soll es euch nicht verdrießen,
wenn ihr euch erklären (‚aufschließen‘) läßt,
wegen welcher Art von allegorischer Bedeutung (meine)
die Grotte in den Stein
so gehauen war,wie sie es war.
Sie war, wie gesagt,
rund, weit, hoch und hochstrebend,
schneeweiß, rundherum glatt und eben.
Die innere Rundung
bedeutet die Einfalt der Liebe:
Einfalt ziemt der Liebe wohl,
sie soll ohne Winkel sein.
Winkel in der Liebe
bedeuten Begierde und List.
Die Weite ist die Macht der Liebe,
denn ihre Macht ist unendlich.
Die Höhe ist die freudige Gesinnung,
die sich in die Wolken emporhebt,
für die ist nichts zu schwer,
wenn sie aufsteigen (gehaben ‚erheben‘) will,
bis dort hinauf, wo das Mauerwerk der Tugend
sich zum Schlußstein zusammenwölbt.
Dann wird auch nichts daran fehlen,
dass die Tugenden immer
mit Edelsteinen und Schmiedearbeit
so rühmenswert verziert sind,
dass wir, die wir nicht so hochgemut sind,
deren Gemüt darniederliegt
und sich nicht über den Estrich erhebt,
das weder hochfliegt noch unten kleben bleibt
- wir gaffen hinauf
und und schauen das Werk oben an,
das ihren Tugenden entspricht,
das von ihrem Ruhm herunterleuchtet,
die ober uns in den Wolken schweben
und von denen wir herunten den Widerschein haben:
die glotzen (kapfen ‚anstarren‘) wir wie ein Wunder an.
Dadurch wachsen uns die Federn,