Literaturgeschichte 750-1500

112
von den der muot in flücke wirt,
fliegende lop nach tugenden birt.
Diu want was wîz, eben und sleht:
daz ist der durnæhte reht,
der wîze und ir einbære schîn
der ensol niht missemâlet sîn.
An ir sol ouch dehein arcwân
weder bühel noch gruobe hân.
Der marmelîne esterîch
der ist der stæte gelîch
an der grüene und an der veste.
Diu meine ist ime diu beste
von varwe und von slehte:
diu stæte sol ze rehte
ingrüene sîn, reht’ alse gras,
glat unde lûter alse glas.
Daz bette inmitten inne
der kristallînen minne,
daz was vil rehte ir namen benant.
Er hæte ir reht vil rehte erkant,
der ir die kristallen sneit
ze ir legere und z’ ir gelegenheit:
diu minne sol ouch kristallîn,
durchsichtic und durchlûter sîn.
Innen an der êrînen tür
dâ giengen zwêne rigele vür.
Ein valle was ouch innen
mit kündeclîchen sinnen
hin ûz geleitet durch die want,
aldâ si ouch Tristan dâ vant:
die meisterte ein heftelîn,
daz gie von ûzen dar în
und leite si dar unde dan.
Noch slôz noch slüzzel was dar an.
Und wil iu sagen umbe waz:
dane was niht slôzes umbe daz:
swaz man gerüstes vür die tür
(ich meine ûzerhalp dervür)
ze rûme oder ze slôze leit,
daz tiutet allez valscheit;
wan swer zer Minnen tür în gât,
den man von innen niht în lât,
daz enist der minnen niht gezalt,
wan daz ist valsch oder gewalt.
Durch daz ist dâ der Minnen tor,
diu êrîne tür vor,
die niemen kan gewinnen,
ern gewinne si mit minnen.
Ouch ist si durch daz êrîn,
daz dehein gerüste müge gesîn
weder von gewalte noch von kraft,
von liste noch von meisterschaft,
von valscheite noch von lüge,
dâ mite man si verscherten müge.
Und innen ietweder rigel,
ietweder minnen ingesigel,
daz was zem anderen gewant
ietwederhalben an der want;
und was der einez cêderîn,
daz ander helfenbeinîn.
Nu vernemet die tiute ir bêder:
daz eine insigel der cêder
daz meinet an der minne
die wîsheit und die sinne:
daz von helfenbeine
die kiusche und die reine.
Mit disen zwein insigelen,
mit disen reinen rigelen
sô ist der Minnen hûs bewart,
mit denen das Gemüt flügge wird
und im Fliegen durch seine Tugenden Ruhm erntet.
Die Wand war weiß, eben und gerade:
das ist das Wesen der Vollkommenheit,
deren Weiße und einheitlicher Glanz
nicht durch andere Farbe gestört werden soll.
An ihr soll auch kein Argwohn
Buckel oder Gruben bilden.
Der marmorne Estrich
entspricht der Beständigkeit
mit seiner grünen Farbe und seiner Festigkeit.
Diese Bedeutung entspricht ihm bestens,
sowohl gemäß seiner Farbe, als auch gemäß
seiner Beschaffenheit: die Treue soll mit Recht
grasgrün sein,
glatt und lauter wie Glas.
Das Bett in der Mitte,
das der der kristallenen Minne,
das war mit vollem Recht nach ihr benannt.
Der hatte über ihr Wesen sehr gut Bescheid gewußt,
der ihr den Kristall zugeschnitten hatte
für ihr Lager und zu ihrer Gelegenheit:
die Minne soll kristallen,
durchsichtig und durch und durch klar sein.
Innen war die erzene Tür
mit zwei Riegeln verschlossen.
Eine Klinke führte von innen
kunstvoll
durch die Wand nach außen,
die entdeckte Tristan dort.
Die wurde von einem Hebel gelenkt,
der von außen hinein führte
und sie in die eine oder andere Richtung umlegte.
Weder Schloß noch Schlüssel gab es an ihr.
Ich sage euch, warum:
da gab es kein Schloß, weil
alle Vorrichtungen, die man außen an die Tür
befestigt,
um sie zu öffnen oder zu schließen,
Falschheit bedeuten.
Denn wenn jemand zur Tür der Minne hineingeht,
den man nicht von innen hineinläßt,
so ist das keine Minne,
sondern Falschheit oder Gewalt.
Deswegen ist davor das Tor der Minne,
die Tür aus Erz,
die niemand überwältigen kann,
es sei denn mit Minne.
Sie ist deswegen von Erz,
damit man weder mit Gewaltanstrengung noch
mit Kraft,
weder mit Kunst noch Meisterschaft,
weder mit Falschheit noch mit Lüge
sie beschädigen kann.
Und die beiden Riegel innen,
die Siegel der Minne,
die waren von den beiden Wänden her
einander zugewandt.
Das eine war aus Zedernholz,
das andere aus Elfenbein.
Hört, was die beiden bedeuten:
das Siegel aus Zeder
bedeutet die Weisheit und den Verstand
in der Minne,
das aus Elfenbein
die Keuschheit und Reinheit.
Mit diesen beiden Siegeln,
diesen reinen Riegeln,
ist der Palast der Minne gesichert