Digitale versie - Afbeeldinge ende Levens beschryvinge van de ...

van Hollant, mer heeft ontboden heer Willem
(die men noemde heer sonder lant) broeder
van graef Dirick voerszeyd om hem te
ontvanghen tot een grave van Hollant.
Mer graef Lodewyc van Loon dit vernemende
is graef Willem, die ghekomen was in Zeelant
om daer gehult te wesen lantsheer, te
gemoete gecomen mit macht van volck, daer
seer gevochten is ende graef Lodewyc hadde
die victorie ende graef Willem soude mede
oeck gevanghen geweest hebben, hadde hy
niet verburghen geweest in een pincke op
strang onder haringnetten. Als dit aldus
geschiet was, soe heeft heer Wouter van
Egmont mit die Burchgraef van Leyden ende
mit die heer van Waszenaer heel Hollant
beset om die graef van Loon uit te keren ende
te houden, dat graef Willem seer lief was.
Mer die graef van Loon dit vernemende heeft
tot hem gecreghen die Biscop van Utrecht,
die Hartoge van Brabant ende meer groete
heeren ende hebben Hollant seer verwoyst
ende die graef van Loon is self tot Egmont
gecomen ende en heeft dat dorp noch die
Abdie gheen schade gedaan, mer hy heeft
heeren Wouter van Egmonts huys verbrandt,
waer om die vrome heer Wouter van Egmont
seer tornich geweest is ende heeft vrou Ada,
des graven van Loons huysvrou gevanghen
genomen ende tot Leyden in sekere
bewaringe geset ende daer nae heeft hy mit
die Burchgraef ende mit die heer van
Waszenaer den graef van Loon mit alle syn
heeren (die hem te hulp gecomen waren) uyt
Hollant mit vechtender handt verdreven, ende
heeft graef Willen sonder Lant laten hulden
als een recht succeszoer van graef Dirick syn
broeder ende is alsoe geworden graef van
Hollant ende Zeelant ende heer van Vrieslant,
waer af hy heer Wouter van Egmont (die hem
daer toe gehulpen hadde) seer bedancte, mer
hy heeftet heer Wouter voerszeyt naemaels
qualick geloont, als men noch horen sal.
Int Jaer ons heeren xii. c ende v. (1205) *1
sende heer Franco die xi. (11e) Abt van
Egmont iii. c (300) mannen te paerde om heer
Wouter van Egmont (die in Dirick van
Riewycs huys sliep) (want syn eighen huys
van die graef van Loon verbrand was) daer te
vermoorden, want die abt van quaden raet op
gemaeckt was, mer al eer des abts volck
quam, heeft Dirick van Riewyck den Edele en
vromen heer Wouter van Egmont op
Wouter I
ghewreckt vanden bedde opten heylighen
karsnacht, hem te kennen gevende all dat hy
gehoert hadde. Ter stond is heer Wouter van
Egmont op gestaen al haestelick ende syn
volck al te samen int harnas gedaen ende is
den abts volck teghen gereeden ende sy
hebben seer gevochten op die plaatse, die nu
die cryt hiet ende heeft den abts volck
geweldelick verjaecht ende hy heeft ut
groeter tornicheyt den abts molen ende
stallagie, die den graef van Hollant daer
hadde, aen brant gesteken, dwelk die abt den
graef van Hollant geclaecht heeft. Ende die
graef dit horende heeft al stil geswegen ende
int selfde jaer op jaeravont quam hy selve te
paerde mit groete menichte van volck ende
nam heer Wouter van Egmont seer
schandelicken gevangen uten huyse van heer
Dirick van Riewyck ridder ende brocht hem
gevangen opt huys tot Hemskerck, Twelck
een groete ondanckbaerheyt was van den
graef Willem van Hollant, want hy niet
gedenckte die doechde die hem van dese
edele heer Wouter van Egmont geschiet was.
Als nu heer Wouter aldus gevanghen ende
naerstelicken bewaert worde, soe syn
gecomen vier Broeders uit een huys tot
Egmont, als Jan, Cornelis, Pieter ende Jacob,
als schiltboertighe vrome mannen ende syn
gecomen op sinte Ponciaansnacht (14 Jan.)
mit bylen, cusen ende codden voert huys te
Hemskerck makende in der nacht alsoe groet
misbaer ende rumoer dat die wakers opt huys
meenden datter die hele werelt voer geleghen
hadde ende hebben elx een veynster gesocht
om een goet heen comen te vercryghen; dit
siende die vier broeders syn altesamen bey
nae gelyckelick te venster ingheclommen
ende hebben daer vyfthien wakers doot
geslaghen ende hebben hoere heer van
Egmont losgemaect ende hebben hem inder
selfde nacht tot Egmont gebrocht. Ende heer
Wouter van Egmont heeft dese vier Broeders
eelmannen gemaeckt, gegeven hebbende een
ygelick van dese vier broeders eenen naem
ofte titel, te weten:
- Jacob heeft hy genoempt Jacob van de
Camer, want Jacob alder eerst gesprongen
ende gecomen is in die camer daer heer
Wouter van Egmont in gevangen lach,
- ende Jan heeft hy genoempt Jan Byl, want
hy meest die byl bebruyct hadde,
- ende Cornelis heeft hy die naem ofte tytel
Hfdst. 38 - Bl. 05
280
*1: Vlg. Hovaeus
1215.